Amiskwia

Se Vükiped: sikloped libik
iAmiskwia
Timäd fösilik: zänoda-Kambrium

Edadeadöl (fösil)
Dadiläd nolavik
Regnum: Animalia
Phylum: ?
Genus: Amiskwia
Amiskwia sagittiformis
Walcott, 1911

Elaf Amiskwia äbinon nim müdik smalik (lunotü zimmets 2,5) no nog pedadilädöl, sevädik te medüfösils zänoda-Kambriumik sleta di Burgess (Kanadän). Dakipastad fösilas sevädik lul no binon vemo gudik. Bid te bal: Amiskwia sagittiformis jünu pebepenon.

Kap ela Amiskwia labon probodis brefik tel, e koap no padilöl labon stiragöbis smalik tel e göbi platik. Ninäms stäänikon de kap ti jü göb.

Fösilavan Charles Walcott, tüvan fösilas sleta di Burgess, primo ädadilädom eli Amiskwia as vum grupa chaetognatha, bi äkredom, das ilogom mudastigis kil pö fösils. El Amiskwia ye jiniko nelabon stigis e tutis gleipölis patedikis vumafösilas votik sleta di Burgess. Poso nolavans ämobons, das äsümon plu ad elafs Nemertea: vums tanodafomik. Hiel Conway Morris, kel ärevidom bepenami nimema sleta di Burgess ün yels 1970, äbepenom eli Amiskwia as bid teik ela phylum nesevädik, bi labon probodis tel nilü mud pla probod patedik te bal elafas Nemertea.

El Amiskwia binon seledik in nimem di Burgess. Atos, ed i stiragöbs e göb, jiniko sinifons, das äbinon nim äsvimöl, kel nespetölo päfanon bevü sädotaflums, kels äfomons sleti di Burgess.

Literat[redakönredakön fonäti]

  • Conway Morris, Simon. 1977. A redescription of the Middle Cambrian worm Amiskwia sagittiformis Walcott from the Burgess Shale of British Columbia. Palaeontologische Zeitschrift, Band 51, Heft 3/4, p. 271-287.
  • Conway Morris, Simon. 1998. The crucible of creation: The Burgess shale and the rise of animals. Oxford: Oxford University Press.
  • Gould, Stephen Jay. 1990. Wonderful life: the Burgess shale and the nature of history. London, New York: W. W. Norton & Company, Inc.

Yüms plödik[redakönredakön fonäti]

In Linglänapük:

  • El Amiskwia in bevüresodatopäd Museda Smithsonian (keninükamü däsinot ed i fotografot fösila).

In Nedänapük: