Edwin Davis French

Se Vükiped: sikloped libik
Bunön lü: nafam, suk

Hiel Edwin Davis French (1851-1906), gavan Lamerikänik famik (ämekom elis ex libris pu 330 sis 1893), äbinom Volapükan jäfedik; älärnom i Sperantapüki.

Ex libris pämeköl fa hiel E. D. French jiele Kate Dickinson Sweetser.

El E. D. French pämotom in North Attleborough, in tat: Massachusetts (Lamerikän). Äprimom karieri okik ün 1869 me gavots largentik pro el Whiting Manufacturing Company. Poso ävedom liman-fünan ä kipedal Kluba Lamerikänik Lekanas Jönik. Vob omik päflunon fa hiel Albrecht Dürer e hiel Charles W. Sherborn. Dunetäbs mödik oma ädutons lü el Grolier Club: klub bukilöfans in New York.

Änitedälom vemo in Volapük (äspodom ko Volapükans in Yurop ed äkevobom lunomiko ko gased: Volapük: Gasedil mulik püka bevünetik), ed in püks mekavik votik (älärnom i Sperantapüki).

El E. D. French älabom fikulis saunik dü lifüp ti valik oka. Äklemom studis okik lä Niver ela Brown dü yel telid sekü ftisid, kel fino pos yels mödik ädeidon omi.

Literat[redakönredakön fonäti]

  • Brainerd, Ira D. 1908. Edwin Davis French, a memorial: his life, his art. New York: The De Vinne Press.
  • Kniele, Rupert. 1889. Das erste Jahrzehnt der Weltsprache Volapük. Verlag von A. Schoy, Buchhandlung, Ueberlingen a. B. (Dönu päpübon ün 1984 fa Reinhard Haupenthal, Saarbrücken: Editions Iltis.) (Vödem rigädik, ma dabükot balid).

Yüms plödik[redakönredakön fonäti]

In Linglänapük: