Heterodontosaurus

Se Vükiped: sikloped libik
Bunön lü: nafam, suk
iHeterodontosaurus
Timäd fösilik: prim Yurata
Elaf Heterodontosaurus tucki.
Elaf Heterodontosaurus tucki.

Dakipastad
Edadeadöl (fösil)
Dadiläd nolavik
Regnum: Animalia
Phylum: Chordata
Classis: Sauropsida
Superordo: Dinosauria
Ordo: Ornithischia
Familia: Heterodontosauridae
Genus: Heterodontosaurus
Telnem
Heterodontosaurus tucki

Elaf Heterodontosaurus (siämü „lasär labü tuts difik“) äbinon dinosaur smalik tuts japik, kel älifon primü Yurat in Sulüda-Frikopän. Äsümon ma koapafom ad elafs Hypsilophodontidae e, to tuts japik okik, äbinon planifidaf.

El Heterodontosaurus pasevon atimo stabü bomems Museda Sulüda-Frikopäna. Pateds tel dabinons; telid onas palelogon fa fösilavans anik as bid distik. Bid patedik: H. Tucki, pätüvon in Fomam: Upper Elliot (Hettangian, bü yels 199-196-balions). Äbinon röletaf nilöfik (u ba bid ot, äsä ya pemobos ün paset) elafa Abrictosaurus.

Klülabots anik tikodükons, das el genus at ädabinon id in Nolüda-Merop, do te elafs Technosaurus e Krzyzanowskisaurus pedientifons us jünu. Fösils anik se Jveizän mögiko dutons lü el Heterodontosaurus, ab atos no nog pefümükon.

Patöfs veütikün[redakönredakön fonäti]

Gretot ela Heterodontosaurus leigodü ut mena.

Elaf Heterodontosaurus älabon hipabomi lunik ä roviki; el pubis onik äsumon ad ut elafas Ornithischia ävolfölumas. Binos nekösömik, das nam ela Heterodontosaurus älabon doatis lul, tels kelas äbinons jiniko tapladoviks (soäs doats menik). Jenöfot at ädälon eli Heterodontosaurus ad gleipön e kipön fidi.


Kran fösilik ela Heterodontosaurus, pö kel logädons tutapateds distik onik.

Pat nekösömik votik binon tutapateds, kels äplänons nemi bida at. Dinosaurs mödikün (vo räptuls mödikün) labons tutapatedi te bal in maxüls oksik, ab el Heterodontosaurus älabon patedis kil. Su föfadil maxüla, flanü honed, ädabinons tuts smalik, kels luveratiok pagebons ad dekötön bledis e kaulis. Po ons su maxül ädabinon telat tutas gretik japik, kela gebamod blebon nesevädik (ya pemobos, das ba pägebons as jonots genik). Tutapated kilid äbinon lunik ab nejapik; luveratiko äfruton pö maskam. (Maskam binon tefädiko kösömik pö dinosaurs, ab vemo seledik pö räptulagrups votik.)

Literat[redakönredakön fonäti]

  • Cranfield, Ingrid (red.). 2000. Dinosaurs and other prehistoric creatures. Salamander Books, pads: 132-135.