Leicester City F.C.
Leicester City F.C. binon futaglöpädaklub di Leicester, Linglän. Pledon in el „Walkers Stadium“, kel labon seadöpis 32 500.
Päfünon ün 1884 labü nem „Leicester Fosse“, ed ädutikon lü Kvipad Telid Futaglöpädasita Linglänik ün 1894. Äpledon su spotöps ömik dü yels primik oka. Ün 1891, äfealotädon ini el „Filbert Street“, kö äblibon jüs 2002.
Pledans famikün ona binoms hiel Gordon Banks, kel äbinom zeiligaledan Lingläna pö Volakupäd yela 1966, pö kel Linglän ävikodon; hiel Peter Shilton, kel äbinom leigo zeiligaledan pro Linglän; e hiel Gary Lineker, kel ädunom zeilis mödikün pö Volakupäd yela 1986.
Dilekans sekaliegikün ona binoms hiel Matt Gillies, kel ägaenom eli League Cup yela 1964, e kel ärivom finapledi ela FA Cup yelas 1961 e 1963; hiel Jimmy Bloomfield; e hiel Martin O'Neill, kel ägaenom eli League Cup yelas 1997 e 2000. Klub erivon finapledi ela FA Cup folna ab neföro egaenon oni: atos binon rekord.
Zilälaklubs topik ona binons el Nottingham Forest, el Derby County, ed el Coventry City.
[redakön] Yüms Plödik
In Linglänapük:
- El Leicester City F.C. lä bevüresodatopäd: Historical Football Kits.
- El Leicester City F.C. su telefonöm polovik ola.
