Maniraptora

Se Vükiped: sikloped libik
Bunön lü: nafam, suk
iManiraptora
Timäd fösilik: Yurat
Däsinot elafa Deinonychus, limaf grupa: Maniraptora.
Däsinot elafa Deinonychus, limaf grupa: Maniraptora.
Dadiläd nolavik
Regnum: Animalia
Phylum: Chordata
Classis: Sauropsida
Ordo: Saurischia
Subordo: Theropoda
(nepeleodüköl) Maniraptora
Gauthier, 1986
Subgroups

Elafs Maniraptora fomons grup, kel, ma jäfüdisevans, keninükon bödis e dinosauris, kels röletons nätimikumo. Binon svistagrup elafas Ornithomimiformes; bevü donagrups onik binons elafs Deinonychosauria, Oviraptorosauria, Therizinosauria, äsi Aves (= böds).

Kaladapatäd elas Maniraptora binons brads e nams pelunüköl äsi rietabom (carpus) munafomik. Kaleds staböfik votik elas Maniraptora valik binons dabin ela furcula (vipabom), göb brefik, plüms, ed el pubis pelunüköl, pödio pefleköl. „Deidakluvs“, kels binons patedik pro els Dromaeosauria, binon ba kaladapatäd elas Maniraptora.

Ans kaladas at, a. s. el furcula, el pubis pödio pefleköl, äsi el acetabulum pedadränöl (kaladapatäd dinosauras valik), jiniko nekomons pö elafs Scansoriopterygidae. Ab fösils sevädik valik dütons lü yunafs, e patäds pemigöl (primöfik e nulädiks) onsiks ba sekons de volfastad yunik onsik. Nolavans anik cedons onis jenöfiko primöfikis, e mobons, das els Maniraptora ba änesekidikons de els Theropoda ya primü dabinüp grupa at, u ba, das licinons de dinosaurs bü els Theropoda (Czerkas e Yuan 2002).

Plüms e plümils nulädiks komons pö els Maniraptora sevädik ti valiks, e flitafäg komon pö limafs grupa: Aves, e bo i pö els Dromaeosauridae.

Kladabim[redakönredakön fonäti]

Maniraptora
|-?Alvarezsauridae
|-?Scansoriopterygidae
|--Yixianosaurus
|--Oviraptoriformes
|  |--Oviraptorosauria
|  `--Therizinosauria
`--Paraves
  |-?Elopteryx
  |--Pedopenna
  `--Eumaniraptora
   |--Deinonychosauria
   |  |--Troodontidae
   |  `--Dromaeosauridae
   `--Aves