Megaraptor

Se Vükiped: sikloped libik
Bunön lü: nafam, suk
iMegaraptor
Megaraptor namunhuaiquii jmallon.jpg
Dakipastad
Edadeadöl (fösil)
Dadiläd nolavik
Regnum: Animalia
Phylum: Chordata
Classis: Sauropsida
Superordo: Dinosauria
Ordo: Saurischia
Subordo: Theropoda
Infraordo: Carnosauria
Superfamilia: Allosauroidea
Genus: Megaraptor
Species: M. namunhaiquii
Telnem
Megaraptor namunhuaiquii

Elaf Megaraptor („tifaf legretik“) päcedon büo as gretikün elafas Dromaeosauria pituvöl, ab anu cedoy oni dutöli lü grup elafas Carnosauria, o. b. as röletaf elafa Allosaurus. Älifon dü löpa-Kretat in ziläk Largäntänik: Patagonia, kü älifon id el Giganotosaurus: bal dinosauras mitifidik gretikün föro ädabinölas.

Dientifam[redakönredakön fonäti]

Elaf Megaraptor päbepenon primo as dinosaur gretik grupa Dromaeosauria (Novas, 1998). Äsevadom ledino stabü kluv te bal, lunotü zimmets 30, sümik ad futakluvs hukafomik elafas Dromaeossauridae. Tüv föfalim lölöfik äjonon ye, das kluv gretik at jenöfo äduton lü doat balid nema limafa grupa Carnossauria (Calvo et al., 2004). Nam difon ye vemo de nams elas Carnossauria votik: no klülos, va el Megaraptor duton lü elafs Allosauridae, Carcharodontosauridae, Megalosauroidea, u ba grup lölöfiko votik.

Sötoy mäniotön is, das pos tüv e bü püb bepenama okik, i dö elaf Baryonix (grupa Spinosauridae) pänunos, das äduton lü grup: Dromaeosauria, leigo stabü namakluv gretik.

Literat[redakönredakön fonäti]

  • Calvo, J. O., Porfiri, J.D., Veralli, C., Novas, F.E., and Poblete, F. (2004). Phylogenetic status of Megaraptor namunhuaiquii Novas based on a new specimen from Neuquén, Patagonia, Argentina. Ameghiniana 41:565-575.
  • Novas, F.E. (1998). Megaraptor namunhuaiquii, gen. et sp. nov., a large-clawed, Late Cretaceous theropod from Patagonia. Journal of Vertebrate Paleontology 18:4-9.