Sofia Kovalevskaya

Se Vükiped: sikloped libik
Sofia Kovalevskaya
Moted: Софья Васильевна Корвин-Круковская
15 yanul 1850, 3 yanul 1850
Moskva
Deadam: 10 febul 1891
Spanyän, Hedvig Eleonora parish[*]
Deadamakod: luegaflamat[*]
Lifatopam: Moskva, Stockholm
Cal(s): jimatematan[*], jifüsüdan[*], jilautan lekonedas[*], jiprofäsoran[*], communard[*], jilautan[*]
Tatät(s): Lämporän Rusänik[*], Svedän
Matan(s): Vladimir Kovalevsky[*]
Cil(s): Sofia Kovalevskaya[*]
Pal(s): Vasily Vasilyevich Korvin-Krukovsky[*], Yelizaveta Korvin-Krukovskaya[*]
Gem(s): Anne Jaclard[*]
Dispenäd:

Sofia Vasilyevna Kovalevskaya (Rusänapüko: Софья Васильевна Ковалевская), sevädik id as Sonya Kovalevsky (1850 yanul 15 in Moskva - 1891 febul 10 in Stockholm), äbinof jimatematan Rusänik veütik balid. Äbinof i studan hiela Karl Weierstraß. Ün 1884 päcälom profäsoran in niver di Stockholm: ävedof jiprofäsoran kilid Yuropa.

Lifajenäd[redakönredakön fonäti]

Yunüp[redakönredakön fonäti]

El Kovalevskaya pämotof in Moskva (Rusän). Fat ofik pänemom Vasily Vasilievic Krukovskiy (1800-1874): ratidafizir licina Polänik, poso generan ä büdan Vafamagada di Kreml, ä röletan fagöfik rega Macaränik: Matthias Corvinus. Mot ofik: Elizaveta Fyodorovna Jubert (Schubert) (1820-1879) äbinof posdaut hiela Theodor Schubert, sevädik id as Fyodor Ivanovic Schubert: matematan e stelavan Nolavakadäma di Sankt-Peterburg.

Famül e cilüp ela Sofia äflunons nitedi ofik in matemat. Fat ofik, kel istudom kalkuli smalikünotas in milit, ägebom kopiedis penetas tidodas hiela Ostrogradskiy ven no plu älabom tapoti pro dom okik, ed el Sofia älifädof düpis mödik dü cilüp okik älogölo ed äbetikölo malülis e tonatis bisarik su völs (ven lätikumo ästudof kalkuli smalikünotas, äsuemof vali go vifiko). El Sofia suvo äspikof ko ziom okik: hiel Pyotr Vasilievic Krukovskiy: man bisarik, kel ädugälom oki it, e vemo älöfom matemati.

Semanaedo, du äreidof buk dö litav, keli famülaflen igivom ofe, ätuvof suemodis trigonometik nulik. Ätöbidof nen yuf ad suemön onis, ägebölo nenseviko metodis ot, me kels suemods at pitüvons ün paset. Famülaflen so vemo pämagädom, das äsüadükom fati ofik ad dälön ofe ad studön matemati, ofi „eli Pascal nulik“ änemölo.