Tupuxuara

Se Vükiped: sikloped libik
Bunön lü: nafam, suk
iTupuxuara
Timäd fösilik: Late Cretaceous
Bomem elafa Tupuxuara leonardii.
Bomem elafa Tupuxuara leonardii.
Dadiläd nolavik
Regnum: Animalia
Phylum: Chordata
Classis: Sauropsida
Ordo: Pterosauria
Subordo: Pterodactyloidea
Superfamilia: Azhdarchoidea
Genus: Tupuxuara
Kellner & Campos, 1988
Species

Elaf Tupuxuara äbinon pterosaur gretik, krästilabik e nentutik, kel päbepenon balidnaedo ün 1988 e kel petuvon fa hiels Alexander Kellner e Diogenes Campos in Fomam di Santana in Brasilän (ab pos atos id in Nolüda-Merop). Logot onik äsümon ad ut elafa Pteranodon, ibä daülafs älabons krästi lä snud äprimölo, ab kräst ela Tupuxuara äbinon gretikum, ka ut ela Pteranodon. I jinims bida at älabons krästi gretik, ab krästs ofsik äbinons klöpöfiks. Binos luveratik, das el Tupuxuara äfidon fitis ed älifon nilü jols Sulüda-Meropa. Kran ela Tupuxuara älabon lunoti mö zimmets 90, e koap lölöfik mö mets 2,5. Pterosaur at älabon flitämatenoti metas 5,4.

El Tupuxuara pedadilädon as limaf grupa: Azhdarchoidea, ab nog padöbatos, va äbinon röletaf nilöfikum elas Azhdarchidae (grup pterosaura gianagretik: Quetzalcoatlus, in Texas pätüvöl), u ela Tapejara.

Yunaf balid, fa fosilavans Nivera di Portsmouth in Brasilän Nolüda-Lofüdik pätuvöl e fa hiels David Martill e Darren Naish ün 2006 päbepenöl, älabon krästi no löliko idagloföli, kelos stüton lecedi, das kräst at ämalon madi genik.

Literat[redakönredakön fonäti]

  • Kellner, A.W.A., e Campos, D.A. 1988. Sobre um novo pterossauro com crista sagital da Bacia do Araripe, Cretáceo Inferior do Nordeste do Brasil. (Pterosauria, Tupuxuara, Cretáceo, Brasil) Anais de Academia Brasileira de Ciências, toum: 60, pads: 459–469.

Yüms plödik[redakönredakön fonäti]

In Linglänapük: