Utahraptor

Se Vükiped: sikloped libik
Bunön lü: nafam, suk
iUtahraptor
Timäd fösilik: prim Kretata
Magot ela Utahraptor.
Magot ela Utahraptor.
Dakipastad
Edadeadöl (fösil)
Dadiläd nolavik
Regnum: Animalia
Phylum: Chordata
Classis: Sauropsida
Superordo: Dinosauria
Ordo: Saurischia
Subordo: Theropoda
Familia: Dromaeosauridae
Genus: Utahraptor
Kirkland, Gaston & Burge, 1993
bid

U. ostrommaysorum Kirkland, Gaston & Burge, 1993 (bid patedik)

Elaf Utahraptor (siämü „ravanim di Utah[1]) äbinon limaf gretikün dinosaurafamüla: Dromaeosauridae lurooda: Theropoda. Älifon dü period: Barremian ün prim Kretata (bü yels 132-119-balions).[1]

Leigod gretota mena ed ela Utahraptor.

Hiel James Kirkland, hiel Rob Gaston, e hiel Don Burge ätüvons eli Utahraptor ün 1993 in komot: Grand, in tat Lamerikänik: Utah, ninü Fomam di Cedar Moutain.[1] Fösil patedik binon atimo in el „College of Eastern Utah“, do Niver: Brigham Young labon konleti gretikün fösilas ela Utahraptor.

Bid patedik (e jünu teik sevädik) ela Utahraptor: U. ostrommaysorum, pänemon stimü fösilavan Lamerikänik: John Ostrom (se Mused: Peabody Natajenava nivera: Yale) e hiel Chris Mays, se „Dinamation International.“ Skulturan: Raymond Persinger pämäniotom in naböfodönuam rigik ela James Kirkland kodü tikamagods söla: Persinger tefü kluvabinod.

Magot futa ela Utahraptor labü kluv patik.

Äs elafs Dromaeosauridae votik, el Utahraptor älabon kluvi gretik blegik pö tean telid, kel äkanon rivön lunoti zimmetas 23. Nim at ba ägleipon viktimis me föfalims okik du äflapon oni me pödalims. Vestigams brefabüik tefü elaf Velociraptor smalikum tikodükons, das kluvs somik pägebons ad deisteigön ud ad teifön viktimi, no ad sleitön skini onik.[2] Lunotü mets 6,5, geilotü mets 2 e vetotü milgrams 700, el Utahraptor äbinon ravanim dredabik.[1]

Pemobos, das el Utahraptor äbinon ba röletaf nilöfik ela Dromaeosaurus smalikum ed elafa Achillobator gianagretik se Mongolän.[1]

In kuliv pöpedik[redakönredakön fonäti]

Lekoned: Raptor Red (Red Tifafa), fa hiel Bob Bakker, binon konot jepa elas Utahraptor. Lekoned votik: Raptor (Tifaf) fa Paul Zindel manioton eli Utahraptor, ab labü pats no jenöfiks äs kluvs venenilabik. Televid äjonon eli Utahraptor in sökod: Walking with Dinosaurs (Gol ko Dinosaurs) ela BBC. I timapenäd bevüresodik: Dinosaur Comics jonon eli Utahraptor.

Literat[redakönredakön fonäti]

  1. 1.0 1.1 1.2 1.3 1.4 Kirkland, J.I., D. Burge e R. Gaston. 1993. A large dromaeosaur [Theropoda] from the Lower Cretaceous of Utah. Hunteria, toum: 2, nüm: 10, pads: 1-16.
  2. BBC - Science & Nature - The Truth About Killer Dinosaurs.

Yüms plödik[redakönredakön fonäti]