Betasuchus

Se Vükiped: sikloped libik
Jump to navigation Jump to search
iBetasuchus
Timäd fösilik: fin Kretata
Dadiläd nolavik
Regnum: Animalia
Phylum: Chordata
Classis: Sauropsida
Superordo: Dinosauria
Ordo: Saurischia
Subordo: Theropoda
Superfamilia: ?Abelisauroidea
Genus: Betasuchus
von Huene, 1932
Species: B. bredai
Telnem
Betasuchus bredai
(Seeley, 1883)
Synonyms

Elaf Betasuchus äbinon dinosaur grupa: Theropoda, kel älifon finü Kretata. Fösils ona pätuvons in Nedän e päbepenons primo as bid nulik elafa Megalosaurus (ün 1883). Fösils pädönubepenons fa hiel Friedrich von Huene ün 1926, kel äjonom, das dutons no lü el Megalosaurus, ab lü el genus distik (el Megalosaurus äbinon finü tumyel 19id e primü tumyel 20id „defalabäset“, kö dinosaurs mitifidöl mödik - röletafs u no - päkobiopladons). El Huene äkredom, das fösils äbinons balafa dinosauras grupa: Ornithomimosauria, ed ägivom ones nemi no laidüpik: „Ornithomimidorum genus b“. El Huene äkipedom nemi at jüs ävotanemom oni ün 1932 ad Betasuchus (siämü: „B-krokod“). El Betasuchus pasevon te stabü lögabom (el femur) bal no lölöfik, klu tefs onik ko els Theropoda votik fikulons ad pafümetön. Dilets brefabüik anik ämobons, das äbinon limaf smalik grupa: Abelisauria.

Literat[redakönredakön fonäti]

  • Seeley. 188). On the dinosaurs from the Maastricht beds. Q. J. Geol. Soc. London, toum: 39, pads: 246-253.
  • Huene. 1932. Die fossile Reptil-Ordnung Saurischia, ihre Entwicklung und Geschichte. Monogr. Geol. Palaeontol. (Dils I e II, Sök. I) toum: 4, pads: 1-361.

Yüms plödik[redakönredakön fonäti]