Dromiceiomimus

Se Vükiped: sikloped libik
Jump to navigation Jump to search
iDromiceiomimus
Timäd fösilik: fin Kretata
Däsinot elafa Dromiceiomimus brevitertius.
Däsinot elafa Dromiceiomimus brevitertius.
Dadiläd nolavik
Regnum: Animalia
Phylum: Chordata
Classis: Sauropsida
Superordo: Dinosauria
Ordo: Saurischia
Subordo: Theropoda
Familia: Ornithomimidae
Genus: Dromiceiomimus
Russell, 1972
bid

D. brevitertius (Parks, 1926)

Elaf Dromiceiomimus (nem siämü „züpädaf elafa Emu“) äbinon dinosaur telfutik vifik ün fin Kretata, bü yels za 80-65-balions. Äbinon lunotü mets 3,6 e vetotü milgrams 100-150. Küidabom onik (el femur) älabon lunoti metas 0,47. Dinosaur at grupa: Ornithomimidae (o. b., elafs Theropoda sümiks ad böds) älabon limis lunik, breini gretik e logis gretik. Älabon mudi nentutik ä honedafomiki, e maxülis fibik; ba äfidon näsäkis, nögis e miti anik. Leigodü elafs Ornithomimidae votik, älabon bäki brefik, bradis lunik ä slenikis, lögakevis go gretikis e hipabomabinodi no kösömiki.

Fösilavan Kanadänik: Dale Russell emobom, das nims at äbinons lölöfiko mitifidöls, äfidölo nögis e nimis smalik se nästs pisesebölis. Ced at nog padöbaton; koapafom onsik pötonöv i pö lifamod dilo planifidöl. Logakevs gretik tikodükons, das älogons vemo gudiko, e das ba äfidons neito.

Tüv[redakönredakön fonäti]

Fösils balid ela genus at pätüvons ün degyel 1920 e primo pänemons Struthiomimus brevitertius e S. samueli. Pävotanemons fa hiel Russell ün 1972 as D. brevitertius pos revid gretik elafas Ornithomimosauria Nolüda-Meropik, kelis el Russell pädadilädom me els genera kil: Dromiceiomimus, Ornithomimus e Struthiomimus. Fösils düalafas e yunafas petuvons in fomam: Horseshoe Canyon (ed in fomam di Judith River, in provin: Alberta, in Kanadän).