Elaphrosaurus

Se Vükiped: sikloped libik
Jump to navigation Jump to search
iElaphrosaurus
Timäd fösilik: fin Yurata
Dakipastad
Edadeadöl (fösil)
Dadiläd nolavik
Regnum: Animalia
Phylum: Chordata
Classis: Sauropsida
Superordo: Dinosauria
Ordo: Saurischia
Subordo: Theropoda
Infraordo: Ceratosauria
Genus: Elaphrosaurus
Telnem
Elaphrosaurus bambergi
Janensch, 1920

Elaf Elaphrosaurus äbinon mitifidaf fina Yurata (bü yels za 145-balions) se Tansanän (Frikop). Jäfüdisavans no sevons fümiko, lio kap onik älogoton, bi kran onik neai pätuvon. Elaf Elaphrosaurus äduton luveratiko lü grup elafas Ceratosauria ed älabon luveratiko lunoti metas za luls. Pätuvon in Beds di Tendaguru in Tanzanän, kö pätuvons i fösils elafas Brachiosaurus, Allosaurus, e Kentrosaurus, bevü votikafs.

Utos, kelos sevädon dö el Elaphrosaurus, stabon su bomem ti lölöfik de Beds di Tendaguru. Äbinon dinosaur slenik, labü särvig lunik, jiniko ad sebön ini fünamit. Bomems vemo nemödiks pätuvons in topäd at; ut ti lölöfik ela Elaphrosaurus äbinon tüv seledik.

Bi bomem at no labon kapi jenöfik, kap in däsinots ela Elaphrosaurus stabon su ut elafa Velociraptor. Röletaf leafrosaura (u ba bid ot) petuvon in Fomem di Morrisson in Nolüda-Merop.

Ven älifon, älabon luveratiko lunoti metas lul, ba geiloti metas 1,5 jü hip, e vetoti milgramas za teltumas. Kodü lögs lunik ona, nolavans anik cedons, das ba äbinon lönaf vifikün Yurata.

Literat[redakönredakön fonäti]

  • Khalaf-von Jaffa, Norman Ali Bassam Ali Taher. 2006. Ornithomimid Dinosaur Tracks from Beit Zeit, West of Jerusalem, Palestine. Gazelle: The Palestinian Biological Bulletin, nüm: 56, pads: 1-7. ([Vödem rigädik.)