Leptictidium

Se Vükiped: sikloped libik
Bunön lü: nafam, suk
iLeptictidium
Timäd fösilik: Leotsen[1]
Bomem elafa Leptictidium auderiense.
Bomem elafa Leptictidium auderiense.
Dakipastad
Edadeadöl (fösil)
Dadiläd nolavik
Regnum: Animalia
Phylum: Chordata
Classis: Mammalia
Subclassis: Eutheria
Ordo: Leptictida
Familia: Pseudorhyncocyonidae
Genus: Leptictidium
bid

Leptictidium auderiense
Leptictidium nasutum
Leptictidium tobieni
Leptictidium sigei
Leptictidium ginsburgi

Elaf Leptictidium: sügaf rujenavik, äbinon smalikün sügafas bunülöl valik. Nimils at ya ädabinons dü Leotsen. Äbinons mödiks in Yurop, ab ädadeadons bü yels 35-balion, nen fovafs nulädik.

El Leptictidium älabon föfalögis smalik e pödalögis lunik; äsümon ad elaf Macropus Stralopik, u ba ad kangur smalik. Vestigam bomemabinoda onik tikodükon, das ämufon äbunülölo. Vestigam krana onik jonon, das älabon nudi lunik muföl, sümik ad ut elafas Macroscelidea. Äbinon lunotü zimmets 60 jü 90 (de nud jü göb).

Fösils legudiko pedakipöls ela Leptictidium petuvons in slet se fonäds di Messel, in Deutän. Igo heraretods e fid in stomägs pedakipons, kel tikodükon, das el Leptictidium äbinon mitifidaf. Äfidon näsäkis, lasäris äsi sügafis smalik votik.

In kuliv pöpedik[redakönredakön fonäti]

Jinim: Leptictidium ko nimüls ofik binons kompenafs veütik dila balid televidasökoda fösilavik: Walking with Beasts (Gol kobü Nims; BBC), in kel pabepenon del bal lifüpa nimas leotsenik at.

Literat[redakönredakön fonäti]

  1. McKenna, M. C., e S. K. Bell. 1997. Classification of mammals above the species level. Columbia University Press. ISBN 023111012X.