Genyodectes: Difference between revisions

Se Vükiped: sikloped libik
Content deleted Content added
SieBot (bespikkeblünots)
p bot läükon: pl:Geniodektes
p bot läükon: de:Genyodectes
Lien 33: Lien 33:
[[Klad:Dinosaurs]]
[[Klad:Dinosaurs]]


[[de:Genyodectes]]
[[en:Genyodectes]]
[[en:Genyodectes]]
[[es:Genyodectes]]
[[es:Genyodectes]]

Fomam dätü 15:02, 2010 mayul 19id

iGenyodectes
Timäd fösilik: prim Kretata
Edadeadöl (fösil)
Dadiläd nolavik
Regnum: Animalia
Phylum: Chordata
Classis: Sauropsida
Superordo: Dinosauria
Ordo: Saurischia
Subordo: Theropoda
Infraordo: Ceratosauria
Familia: ?Ceratosauridae
Genus: Genyodectes
Species: G. serus
Genyodectes serus
Woodward, 1901

Elaf Genyodectes (Woodward, 1901; genys = maxül, dektes = beitöl) binon dinosaurabid famüla Ceratosauria (Theropoda), kel älifon dü prim Kretata in Sulüda-Merop. Fösil patedik (MLP 26-39, se el Museo de la Plata, La Plata, Largäntän), pätuvon in el Cañadón Grande, in provin: Chabut, Largäntän, e binädon me snud no lölöfik (sa els premaxillae), dileds maxülas bofik, tutaboms detik e nedetik, tuts mödik, e brekots votik. Bomadils at päkipedons no gudiko, ed aniks nog äyumons me yoins. El premaxila ela Genyodectes labon tutis gretik ä japikis, kelos äbinon kod nema onik (maxül beitöl).

Dadiläd e kladabim

El Genyodectes lunüpo pelecedon as nem dotik (nomen dubium), bi fösils äbinons brekotöfik ed ädabinons dots anik demü rig taledavik ä stratagrafik kuradik ona (l. Tykoski e Rowe, 2004, pad: 50).[1] Bepenam brefabüik fösilas patedik fa Rauhut (2004) ye ekleilükon boso säkädi at, e jiniko eblöfon veräti bida: Genyodectes serus.[2] Fösilavan Linglänik: Sir Arthur S. Woodward äbepenom eli Genyodectes ün 1901,[3] e, pos elaf Loncosaurus (Ameghino, 1899; nomen dubium),[4], äbinon dinosaur pebepenöl no bödöfik telid se Sulüda-Merop, ed äblibon el Theropod lölöfiküno Sulüda-Meropik jü tumyel: 1970. Ün tumyel lätik, fösil padetik pebepenom ön mods difik, as dutöl lü grups: Megalosauridae, Tyrannosauridae, Theropoda incertae sedis (no pedadilädöl), igo lü elafs Abelisauridae (ba otaf ka elaf Abelisaurus it). Klinükam brefabüik fösila patedik (kel büo pajonon ai yümätü maters votik) emogükon dönubepenami onik. El Rahut (2004, pad: 900) ekludom, das pö fösil at pats veütik elafas Abelisauridae e Tyrannosauridae defons, ed etuvom patis sümiks ad uts elafas Ceratosauria.[2] Atos tikodükon, das el Genyodectes äbinom nilikum ele Ceratosaurus kas eles Abelisauridae komplitikum (i se nims sümik ad el Ceratosaurus dekömöls). Ästudölo registaris jenavik, ed i stadi dakipeda bomas, el Rauhut äkludom, das fösil luveratiko pikonleton in Cerro Castaño, dil fomama di Cerro Barcino (Aptian-Albian).[2]

Klud

Ced ela Rauhut (2004, p. 895-896) demü el Genyodectes serus binon: „Diston de els Theropoda votik - ba pläamü el Ceratosaurus - sekü tuts fomaxülik, kels papladons fomü el en-echelon, e tutakrons lunikün maxüla, kels binon lunikums lä tipot staba, kas dibät bäkabälidik maxüla. Diston de el Ceratosaurus sekü kom tutas fomaxülik fol (no kilas).“[2]

Literat

  1. Tykoski, R.S., e Rowe, T. (2004). Ceratosauria. In: Weishampel, D.B., Dodson, P., and Osmólska, H. (Eds.). The Dinosauria (dabükot 2id). University of California Press: Berkeley. ISBN 0-520-24209-2.
  2. 2.0 2.1 2.2 2.3 Rauhut, O.W.M. (2004). Provenance and anatomy of Genyodectes serus, a large-toothed ceratosaur (Dinosauria: Theropoda) from Patagonia. Journal of Vertebrate Paleontology 24(4):894-902.
  3. Woodward A. S. 1901. On some extinct reptiles from Patagonia, of the genera Meiolania, Dinilysia, and Genyodectes. Proceedings of the Zoological Society of London 1901:169-184.
  4. Ameghino, F. (1899). Nota preliminar sobre el Loncosaurus argentinus, un representante de la familia de los Megalosauridae en la Republica Argentina. Anales de la Sociedad Cientifica Argentina 47:61-62.