Preondactylus

Se Vükiped: sikloped libik
Jump to navigation Jump to search
iPreondactylus
Timäd fösilik: Triassic
Elaf Preondactylus buffarinii.
Elaf Preondactylus buffarinii.
Dadiläd nolavik
Regnum: Animalia
Phylum: Chordata
Classis: Sauropsida
Ordo: Pterosauria
Subordo: Rhamphorhynchoidea
Familia: Rhamphorhynchidae
Genus: Preondactylus
Species: P. bufarinii
Telnem
Preondactylus buffarinii
Wild, 1983

Elaf Preondactylus äbinon pterosaur labü göb lunik, kel älifon dü Triat uto, kö atimo binon Litaliyän. Pätüvon fa hiel Nando Buffarini ün 1982 nilü Udine in fälid: Preone eledas Alps Litaliyänik.

Ven pätüvon balidnaedo, stonablög (binü zemaston) labü fösil ela Preondactylus päbreikon ad dileds anik dü sesebam. Posä dönu päkobiopladon, ston pälavon e päklinükon, dat äblibon nüped. Bomem balid, pädäbreiköl, pätüvon ün 1984 dis tal mö mets 150-200. Älabon lunoti zimmetas 45, e luveratiko äbinon fidäd ravanima seimik bü yels 220-balion.

El Preondactylus älabon tutis piramidafomik, o. b. labü tipot te bal a tut. Fid onik äbinädon me fits, näsäks u bofikafs; kluds, kels tutabinod onik kanon mögükön in tef at, nog padöbatons. Älabon flitämis brefik e lögis lunik. Bid at palelogon as primöfik bevü pterosaurs, do äbinon nendoto flitaf äfivolföl.

El Preondactylus äsümon ad röletaf onik: elaf Dorygnathus.

Literat[redakönredakön fonäti]

  • Cranfield, Edit. 2000. Dinosaurs and other Prehistoric Creatures. Salamander Books, pads: 284-285.
  • Wellnhofer, Peter. 1991. Illustrated Encyclopedia of Pterosaurs. Crescent Books.


Yüms plödik[redakönredakön fonäti]

In Linglänapük: