Shonisaurus

Se Vükiped: sikloped libik
Bunön lü: nafam, suk
iShonisaurus
Timäd fösilik: Late Triassic
Magod elafa Shonisaurus.
Magod elafa Shonisaurus.
Dakipastad
Edadeadöl (fösil)
Dadiläd nolavik
Regnum: Animalia
Phylum: Chordata
Classis: Sauropsida
Subclassis: Diapsida
Superordo: Ichthyopterygia
Ordo: Ichthyosauria
Familia: Shastasauridae
Genus: Shonisaurus
bid

Elaf Shonisaurus äbinon liktiosaur gretikün jünu petuvöl. Fösils ona pätuvons balidnaedo ün 1920 in tat Lamerikänik: Nevada. Pos yels kildeg, fino päsesebons; ädabinons in fösilöp onsik liktiosaurs legretik 37, keles pägevon nem: Shonisaurus, bi äseatons in belem: Shoshone.

El Shonisaurus älifon dü Norian (ün fin Triata). Älabon koapi valütafomik e gubis rovik lunik. Älabon mudi lunik tipik, in kel tuts ädabinons te lä fin.

Bid balid: S. popularis, pälasumon as Tatafösil di Nevada ün 1984. Sesebam, ün 1954 päprimöl dilekü dokans: Charles Camp e Samuel Welles se Niver di California in Berkeley, päfövon dü degyel 1960. El S. popularis pänemon el Charles Camp ün 1976.

El S. popularis äkanon labön lunoti mö mets 15. Fösilöps di Nevada kanons anu palogedön in Legad Liktiosauras Tata: Nevada.

Ün degyel 1990, pätüvon in British Columbia bid telid: S. sikanniensis, lunotü mets 21 (ma taxet), kelos sinifon, das el S. popularis binon nu smalikum bidas tel.

Literat[redakönredakön fonäti]

  • Dixon, Dougal. 2006. The Complete Book of Dinosaurs. Hermes House.

Yüms plödik[redakönredakön fonäti]