Vincent van Gogh

Se Vükiped: sikloped libik
Jump to navigation Jump to search
Vincent van Gogh
Vincent van Gogh - Self-portrait with grey felt hat - Google Art Project.jpg
Moted: Vincent Willem Van Gogh
30 mäzul 1853
Zundert
Deadam: 29 yulul 1890
Auberge Ravoux[*]
Deadamakod: ballistic trauma[*]
Lifatopam: Monastery of Saint-Paul-de-Mausole[*]
Cal(s): hipänan[*], botanical illustrator[*], drawer[*], printmaker[*], hilautan[*]
Tatät(s): Regän Nedäna[*]
Matan(s): no value
Pal(s): Theodorus van Gogh[*], Anna Cornelia Carbentus[*]
Gem(s): Wil van Gogh[*], Theo van Gogh[*], Cor van Gogh[*], Elisabeth van Gogh[*]
Dispenäd:
Vincent van Gogh signature (Vincent).svg

Hiel Vincent Willem van Gogh (1853 mäzul 30 - 1890 yulul 29) äbinom pänan posmagädimik Nedänik.[1] Pänots e däsinots omik keninükons anis vobotas sevädikün, pöpedikün ä jerikünas vola lölik.

El van Gogh älifädom primi lifüpa okik as kevoban fiama tedanas lekanavobotas. Pos tim brefik as julatidan, ävedom lesedavoban in meinatopäd vemo pöfik. Te ün 1880 äprimom karieri okik as lekanan.

Primo el van Gogh äpänom te me köls dagik, sisä ätuvom magädimi e posmagädimi in Paris. Änüdugom kölis litikum e pänastüli onsikis ini vob oka ed äjafom stüli balik lönik oka, keli äfivobom lölo timü steb okik in Arles (Fransän). Äjafom vobotis plu 2 000, binädölis me pänots za 900 e däsinots za 1 100, dü yels lätik lifüpa okik. Pluamanum vobotis sevädikün omik päjafons ün lifayels lätik tel oma, kü ädekötom diledi lila okik posä äfinikon flenalöf vü om e hiel Paul Gauguin. Pos atos äsufom tatakis mödik lieneta, kels fino äkodons oksaseni omik.'

Pösod veütikün lifa ela van Gogh äbinom blod omik: Theo, kel neokiäliko ägivom ome moni nen säks e krüts. Flenalöf lifalunik omas pedokümon me peneds mödik, kelis äsedoms ode, äprimölo ün tobul yela 1872. El van Gogh äbinom pionir utosa, kelos poso äsevädikon as Notodim. Äflunom levemo lekani tumyela 20id, pato elis Fauves e Notodimanis Deutänik.

Pron nema ela Vincent van Gogh in Nedänapük papenulon [ˈvɪnsɛnt fɑn ˈxɔx]. Papronon suvo i [ˈvɪnsənt væn ˈɡɒf], [ˈvɪnsənt vɑn ˈɡɔx] u [ˈvɪnsənt væn ˈɡoʊ] fa no-Nedänans.

Literat[redakönredakön fonäti]

  1. Rewald, John. 1978 (dabükot perevidöl). Post-Impressionism: from van Gogh to Gauguin. Secker & Warburg. ISBN 0-436-41151-2.