Ralph Midgley
| |
|---|---|
| Moted: | 25 novul 1929 |
| Deadam: | 23 mayul 2024 |
| Cal(s): | hipükavan[*] |
| Tatät(s): | Regän Pebalöl |
Hiel Ralph Midgley (Linglänapüko: [ɹæɫf ˈmɪʤli]) (pämotöl tü 1929, novul, d. 25id; ädeadöl tü 2024, mayul, d. 23id) äbinom Guvan Volapükanefa (sekü dalebüd cifala: ‚Brian Bishop’ ‹ de 2006 yanul 1, nüm: 1). Sis yels plu 30 ejäfom me Volapük. Älautom tidodemis mödik Völapüka (vü kels: „Volapük pro alan“ e „Volapük jäfedik“, ed i famikün: „Volapük vifik“), äjafom eli “Flenef bevünetik Volapüka”, ed äpübom dü yels mödik gasedi: „Vög Volapüka“: gased atimik teik löliko papenöl in Volapük, kel epladulon „Sirkülapenädi“ büik oma. Äredakom eli „Vög Volapüka” jü novul yela: 2014. Jäfed lanälik oma emögükon pro pluamanum Volapükanas anuik studi e dalärni Volapüka.
Id äbinom liman kadäma Volapüka de yel: 2007 (dönulifükam kadäma) ‹ jüesa 2015. Ün fin yela: 2015 ‹ äklemom calis valik okik pö Volapükamuf demü bäldot oka e fibikam logamafäga. Äbinom stimakadämal soga bevünetik Volapüka sis del balid dekula yela: 2015 ma dalebüd cifala: ‚Hermann Philipps’.
Älödom in Scunthorpe (Greta-Britän).
Yüms plödik.[redakön • redakön fonäti]
In Volapük e Linglänapük:
- Volapük Vifik: tidodem famik ela ‚Midgley’ pro primölans
- Flenef bevünetik Volapüka.
- Sirkülapenäd, gased balid ela ‚Midgley’ (konlet no lölöfik).
- Volapükagrup lä el ‚Yahoo!’, kö päpladons vobots mödik ela ‚Ralph Midgley’.
