Anton Cehov

Se Vükiped: sikloped libik
Bunön lü: nafam, suk
Hiel Anton Cehov, fa hiel Osip Braz päpänöl.

Hiel Anton Pavlovic Cehov (Rusänapüko: Анто́н Па́влович Че́хов [ɐnˈton ˈpavləvʲɪtɕ ˈtɕɛxəf]; 1860 yanul 29 - 1904 yulul 15) äbinom konotilautan ä dramatavan Rusänik. Pämotom in Taganrog, in Sulüda-Rusän, tü 1860 yanul 29, ed ädeadom sekü ftisid in lekälöp: Badenweiler, in Deutän, tü 1904 yulul 15. Karier omik as dramatilautan äprodon klatädavobotis fol, e konots gudikün omik pastunidons fa lautans e krütans.[1][2] El Cehov ävobom as sanan dü dil gretikün kariera literatik oma. „Sanav binon jimatan obik“, äsagom balna, „e literat binon jilelöfäb obik“.[3]

El Cehov älüvon teati pos seks negudik dramata: Mev ün 1896; ab dramat at pädönuliföfükon ad lobül valemik fa Lekanateat di Moskva hiela Konstantin Stanislavski, kel poso äprodon Ziom Vanya ed i dramatis lätik tel ela Cehov: Sörs kil e Celepagad. Lautots fol at binons plödakösömiko letodiks dramatanefe[4] äsi publüge, bi pla dramatam kösömik el Cehov lofom „teati vima“ e „lifi in vödem blunöli“[5][6] Ne valikans ädigidons fikuli at: hiel Lev Tolstoy äsagom balna ele Cehov: „Sevol-li, no kanob sufälön eli Shakespeare, ab dramats olik binons badikums.“[7][8]

El Tolstoy ye ästunidom konotis ela Cehov.[9] El Cehov primo älautom onis te kodü mon, ab ven desir e dasteif literatiks oma äglofons, ädatuvom nulikosi stülik ä lekanik, kel eflunon volfami konota nulädik.[10][11][12]„ Riganatäl omik binälon in geb ün tim at no kösömik „sevedafluma“, keli poso ägebof jiel [[Virginia Woolf (äsi nulädimans votik), kobü refudam zeili südöfik konotabinoda vönaoloveik.[13][14] No äsäkusadom oki tefü fikuls stüla okik pro reidans; güo äblibom pö ced, das bligäd lekanana binon ad sakön, no ad gespikön.[15]


Noets e literat teföl[redakönredakön fonäti]

  1. „Konotipenan gretikün ya eliföl“. Hiel Raymond Carver (in nüdugot jiela Rosamund Bartlett lebuke: About Love and Other Stories = Tefü Löf e Konots Votik, XX); „Luveratiko konotilautan gudikün vola“. A Chekhov Lexicon (= Sikloped tefü hiel Cehov) fa hiel William Boyd, 2004 yulul 3. Pekonsulton tü 2007 febul 16.
  2. „Konots... kels binons bevü duinots superikün literata.“ Vodka miniatures, belching and angry cats, krüt hiela George Steiner tefü buk: The Undiscovered Chekhov (El Cehov nepetüvöl), in gased: [[The Observer, 2001 mayul 13. Pekonsulton tü 2007 febul 16.
  3. Pened hiele Alexei Suvorin, 1888 steul 11. Peneds hiela Anton Cehov] (in Linglänapük).
  4. „Dramatans grämons eli Cehov äsva beli, pekobiotanöls me jain, e dilons bevü oks glori, üf fägons ad lükömön lü sömit.“ Dramatan: Ian McKellen, pesaitöl su pad: 9 lebuka: Chekhov on the British Stage, fa Patrick Miles (red.). Cambridge University Press, 1993. ISBN 978-0-521-38467-4.
  5. „Lekan ela Cehov flagon teati vima.“ Hiel Vsevolod Meyerhold, pesaitöl su pad: 13 lebuka hiela David Allen: Performing Chekhov, Routledge (UK), 2001, ISBN 978-0-415-18934-7.
  6. „Lif liegikum in vödem blunöl binon patedik pro dramat diböfikum jenöfima, läs sekidik de pats plödik plösena.“ In: Styan, John Louis. 1981. Modern Drama in Theory and Practice, pad: 84. Cambridge University Press. ISBN 978-0-521-29628-1.
  7. Malcom, Janet. 2004. Reading Chekhov, a critical journey, pad: 121. Grant Publications. ISBN 978-1-86207-635-8.
  8. Simmons, Ernest J. 1962 (dab. 1970). Chekhov: a biography. pad: 495. University of Chicago Press. ISBN 978-0-226-75805-3.
  9. Ma lebuk hiela Simmons (löp.; pad: 322), el Tolstoy änäinemom eli Cehov „eli Pujkin prosada“.
  10. „El Cehov pabepenom as fatan konota nulädik.“ Malcom (löp.), pad: 87.
  11. „Äblinom nulikosi literate.“ Hiel James Joyce, in: Power, Arthur. Conversations with James Joyce, pad: 57. Usborne Publishing Ltd. ISBN 978-0-86000-006-8.
  12. „Breik vönaoloveikodas klatädik fa hiel Cehov binon jenot sinifilabikün literata nulädik.“ Malcom (löp.), pad: 87.
  13. „Geb at sevedafluma ävedon, ün yels posik, stab nulikosa omik, pö teat äsi pö literat.“ Wood, James. 2000. What Chekhov Meant by Life, in: The Broken Estate: Essays in Literature and Belief. Pimlico. ISBN 978-0-7126-6557-5.
  14. „Lekanan muton binön no cödan pösodas fa ok pejafölas e spikotas onsik, ab te temunan nepaletik.“ Pened hiele Suvorin, 1888 mayul 30; gepenü krüt, das ipenom dö jevoditifans (vödem in Linglänapük: The Horse-Stealers, päkonsultöl tü 2007 febul 16) nes cödetön onis, el Cehov äsagom, das reidans it mutons läükön dilis pösodik pö konot defölis. Pened hiele Suvorin, 1890 prilul 1. Peneds hiela Anton Cehov (in Linglänapük).
  15. „Gideton flag olik, das lekanan muton labön tikädöpi visedik kol vob okik; ab cänidol dinis tel: bepenam verätik säkäda e tuvedam säkäda. Te telid binon zesüdik lautane.“ Pened hiele Suvorin, 1888 tobul 27. Peneds hiela Anton Cehov (in Linglänapük).