Daspletosaurus

Se Vükiped: sikloped libik
Bunön lü: nafam, suk
iDaspletosaurus
Timäd fösilik: fin Kretata
Kran ela Daspletosaurus, in el Field Museum di Chicago.
Kran ela Daspletosaurus, in el Field Museum di Chicago.
Dakipastad
Edadeadöl (fösil)
Dadiläd nolavik
Regnum: Animalia
Phylum: Chordata
Classis: Sauropsida
Superordo: Dinosauria
Ordo: Saurischia
Subordo: Theropoda
Familia: Tyrannosauridae
Subfamilia: Tyrannosaurinae
Tribus: Tyrannosaurini
Genus: Daspletosaurus
Telnem
Daspletosaurus torosus
Russell, 1970

Elaf Daspletosaurus (LFB: [das'plitosɑrəs]), kela nem sinifon „lasär jeiköl“ (Vöna-Grikänapük δασπλήτο-: „jeikik“, e σαύρος: „lasär“) äbinon dinosaur grupa: Theropoda, kel älifon dü fin Kretata in Nolüda-Merop.

Tüv e bids[redakönredakön fonäti]

Gretot ela Daspletosaurus, leigodü men geilotü mets 1,8.

Timakompenaf elafa Gorgosaurus, el Daspletosaurus pästabon su bomem, dö kel primo ätikoy, das äbinon bid no päbepenöl ela Gorgosaurus. Atimo bid bal ela Daspletosaurus: D. torosus, ya pezepon calöfiko. Tüv brefabüik fösilas ela in Montana (Lamerikän) jiniko binon bid votik (no nog penemöl) ela Daspeltosaurus. Kran fösila at ye sümon plu ad el Tyrannosaurus, ka ad el D. torosus; ba binon samaf foma bevüik. Pluamanum fösilas petuvöl äbinons in Alberta (Kanadän); aniks petuvons in New Mexico (Lamerikän).

Bids ela Daspletosaurus:

  • D. torosus

Dadiläd[redakönredakön fonäti]

Däsinot ela Daspletosaurus.

Ya pemobos, das el Daspletosaurus binon büogolaf nemediko elafa Tyrannosaurus. Koap gretöfik, masatilabik elafas Tyrannosauridae bal at, äsi sümots anik pö kranabinod, jonons jiniko röleti nilöfik vü ons. Vestigans anik igo lecedons, das el Daspletosaurus binon bid ela Tyrannosaurus (el Tyrannosaurus torosus), ab mob at no pelasumon valemiko.

Vönalifav[redakönredakön fonäti]

Bepenan ela Daspletosaurus: hiel Dale Russell ämobom, das dinosaur at äpatädodilon oki ad yagön dinosaurabidis tegilabik seledikum timäda okik, äs elafs Ceratopsida, du elaf Gorgosaurus lunedikum ä suvikum äyagon buo bidis elafas Hadrosauridae.

In kuliv pöpedik[redakönredakön fonäti]

El Daspletosaurus äbinon dinosaur veütikün pö näijenot bal sökoda: Dionsaur Planet ela Discovery Channel.


Literat[redakönredakön fonäti]

  • Liddell e Scott. 1980. Greek-English Lexicon, Abridged Edition. Oxford: Oxford University Press. ISBN 0-19-910207-4.