Ernst Haeckel

Se Vükiped: sikloped libik
Bunön lü: nafam, suk
Hiel Ernst Haeckel.

Hiel Ernst Heinrich Philipp August Haeckel (1834 febul 16 - 1919 gustul 9)[1], anikna päpenöl i von Haeckel, äbinom lifavan, natavan, filosopan, sanavan, profäsoran ä lekanan Deutänik, kel ätüvom, äbepenom ed änemom milatis bidas nulik, ädäsinom genealogabimi lifafomas valik, ed äjafom vödedis lifavik mödik, keninükamü el phylum, fülogen, kolog äsi el phylum: Protista. El Haeckel ästütom ed äjelodom vobi hiela Charles Darwin in Deutän, ed ävölfom „teorodi dönuama“ vemo pädöbatöli, bai kel daglofam lifavik nogana bal: lontogen onik, dönuon volfami bida onik ve tim: fülogen onik: „lontogen dönuon fülogeni“

Vobots lekanik ela Haeckel keninükons däsinotis kölik läna- e melanimas plu 100 (päpübölis in lebuk: Kunstformen der Natur: „Lekanafoms Nata“). As filosopan, el Haeckel älautom eli Die Welträthsel („Leräts Levala“, 1895-1899): vobot jünu flunilabik.

In Lamerikän, Bel: Haeckel geilotü 4 090 m in el Sierra Nevada Lofüdik, pänemon stimü om. Leigo stimü om pänemon Bel: Haeckel votik, geilotÜ 2 941 m, in Nula-Seleäns. Dabinon i planetül 12323 Haeckel.

Dom ela Ernst Haeckel (el „Villa Medusa“) in Jena, in Deutän, labon bukemi omik.

Literat[redakönredakön fonäti]

  1. Ernst Haeckel - Britannica Concise (lifajenäd). Encyclopaedia Britannica Concise. 2006. Bevüresodatopäd lä Britannica.com: CBritannica-Ernst Haeckel.