Fernão de Magalhães

Se Vükiped: sikloped libik
Bunön lü: nafam, suk
Hiel Fernão de Magalhães.
Mebamal hiele Fernão de Magalhães in Punta Arenas, in Cilän. Magot logon lüodü Melarovöp di Magalhães.

Hiel Fernão de Magalhães (1480 (florüp) - 1521 prilul 27) äbinom melaletävan Portugänik, kel, ädünölo Regi Spanyäna, ästeifülom ad tuvön vegi vesüdik lü Siyop. Dü steifül at, äplöpom ad zünafön Tali balidnaedo. No äplöpom ye ad finükön tävi okik: pädeidom su Filipuäns, dü Komip di Mactan. Bi ädeadom vesüdü Pitanisuls (atimo Molukuäns), kelis ivisitom vesüdao dü tävs büik, ävedom balan pösodas balid, kels ätravärons lunetasirkis valik talaglöpa. Äbinom i balidan, kel ädugom vestigatävi vesüdio de YuropSiyop, e kel ätravärom Pasifeani.

El Magalhães äbinom i Yuropan balid, kel ärivom Pasifeani vegü Melarovöp di Magalhães, fa om pätüvöl. Pamemom id as Yuropan balid, kel ärivom nisulemi atimo Filipuäns panemöli (tedans Larabänik ya ibinons us ed ijafons tedatefis ko nisulem at mö tumyels anik bü lükom ela Magalhães).

De nafans 270, kel idetävoms kobü el Magalhães, mans te 18 äplöpoms ad finükön zünafami talaglöpa ed ad genafön lü Spanyän.[1][2] Pädugoms fa Spanyänan: Juan Sebastián Elcano, kel ävedom lebüdan letävanefa pos deadam ela Magalhães.

Literat[redakönredakön fonäti]

  1. Swenson, Tait M. First Circumnavigation of the Globe by Magellan 1519-1522. Päpübon ün novul yela 2005, in el The Web Chronology Project (Proyeg Timava Bevüresodik). Pekonsulton tü 2006 mäzul 14.
  2. Age of Explorations, se bevüresodatopäd: The Mariners' Museum. Pekonsulton tü 2006 mäzul 14.