Frida Kahlo

Se Vükiped: sikloped libik
Bunön lü: nafam, suk
Jiel Frida Kahlo e hiel Diego Rivera ün 1932.

Jiel Frida Kahlo (1907 yulul 6 - 1954 yulul 13) äbinof pänan Mäxikänik, kel ädagetof sevädi bevünetik gretik. Äpänof me köls liföfik ma stül piflunöl fa kulivs topik (Mäxikänik) äsi lekanamufs Yuropik äs Jenöfim, Sümbolim e Sujenöfim. Mödiks vobotas ofik binons okpöträts, kels notodons nestedöfo doli lönik ofa. El Kahlo ämatof ko lekanan Mäxikänik: Diego Rivera, kel äflunom vemo ofi e ko kela leceds Komunimik äbaicedof. Do ya lunüpo pelecedof as pänan veütik, seväd notidik voba ofik äglofon te sis degyel 1970. Dom „Blovik“ ofa in Coyoacán, in Ciudad de México (Mäxikän), keli hiel Diego Rivera ägivülom reiganefe pos deadam ofik ün 1954, binon mused pöpedik.