Ichthyosaurus

Se Vükiped: sikloped libik
Bunön lü: nafam, suk
iIchthyosaurus
Timäd fösilik: prim Yurata
Telat elas Ichthyosaurus.
Telat elas Ichthyosaurus.
Dakipastad
Edadeadöl (fösil)
Dadiläd nolavik
Regnum: Animalia
Phylum: Chordata
Classis: Sauropsida
Ordo: Ichthyosauria
Familia: Ichthyosauridae
de la Beche & Conybeare, 1821
Genus: Ichthyosaurus
de la Beche & Conybeare, 1821
Species

Elaf Ichthyosaurus (kela nem binon koboyümot vödas Vöna-Grikänapükik: ιχθυς „fit“ e σαυρος „lasär“) binon räptul edadeadöl rooda: Ichthyosauria (kel pänemon sekü on). El genus at binon sevädikün rooda okik.

El Ichthyosaurus lunotü mets 2 äbinon smalikum, ka röletafs mödikün okik. Tumats bomemas go gudiko pedakipölas ya petuvons in klifs Yuratik in Holzmaden, in Deutän. Boms anik älabons nog yoinis oksik. Fösils anik älabons nog nimülis nino, kelos jonon, das el Ichthyosaurus (äsi liktiosaurs votik) äbinon lifamotamik. Tüvs sümik pö röletaf: el Stenopterygius jonons otosi. Fösils Deutänik labons i nüpedi skina ela Ichthyosaurus, kelos jonon, das älabon bäkafäini mitik, ed i göbafäini gretik. Fösils liktiosauras votik ejonons, das fäins at no äbinons pat teiko ela Ichthyosaurus.

Lilaboms ela Ichthyosaurus äbinons solidik; luveratiko älovesedons vatabranis lü lil ninik. Too logam äbinon stum veütikün ona pö yag: älabon logis senöfik gretik, kels päjelons dub bomajeläds. Jiedots fösilik ela Ichthyosaurus jonons, das fid onik äbinädon me fits e nenvirebafs.

Ichthyosaurus acutirostris
Däsinot bomema ela Ichthyosaurus.