Johannes Gutenberg

Se Vükiped: sikloped libik
Tefü gebs votik vöda: Gutenberg, logolös:, logolös padi: Gutenberg (Telplänov).


Johannes Gutenberg
Moted: Johannes Gensfleisch zur Laden zum Gutenberg
1399
Mainz
Deadam: 3 febul 1468, 1467
Mainz
Lifatopam: Mainz
Cal(s): hidatuvan[*], bükavan[*], gavan[*], hikaenal[*], grobasmitan[*], goldismitan[*], mintmaster[*]
Tatät(s): Holy Roman Empire[*]
Pal(s): Friele Gensfleisch zur Laden[*], Else Wirich[*]
Gem(s): Friele Gensfleisch[*], Else Vitztum[*]

Hiel Johannes Gensfleisch zur Laden zum Gutenberg (zao 1400 - 1468 febul 3) äbinom goldismitan ä bükan Deutänik, kel ädatuvom bükami me tonats mufovik in Yurop (zao ün 1439) äsi in valem bükami cinik. Vobot veütikün oma: Bib ela Gutenberg, i sevädik as bib 42-lienik, pelofon vemo sekü kaliet jönavik ä kaenavik löpik oka.

Vü keblünots bükave, kels pegivülons ele Gutenberg, binons: datuv tonatas metalik mufovik, datuv metoda ad mekön mödotis gretik onas (lemödajafäd), geb niga me leül pämeköla, e geb bükapediana binü boad, sümika ad learafluki- e vinipedians ün ettim pägeböls. Ab tiket jenöfiko veütik oma äbinon geb binetas valik at as sit plagik. El Gutenberg ba ya äkanom gavön; palesagos, das ivobom pö kuprinigav ko lekanan sevädik as Mastan Pledakadas[1] Motoy ye demön, das vestigams nulik ba ojonons, das geb tonatas mufovik äbinon volfam komplitikum, pö kel äkompenons tops e pösods distöfik.[2]

Geb tonatas mufovik äbinon proged gretik leigodü namapenäd: mekamod teik bukas ettimo in Yurop ädabinöl, e kludo äkodon levoluti pö bukimekam Yuropik. Bükamasit ela Gutenberg pälasumon vifiko da Yurop valik e palelogon as bal binetas flunilabik pö Dönuliföfikam Yuropik. El Gutemberg eblebom jünu pösod vemo sevädik in kuliv pöpedik: ün 1999, el A&E Network se New York ägevon ele Gutenberg pladi balid liseda: People of the Millenium (Pösods Milyela), ed ün 1997 timapenäd: Time-Life ävälom datuvoti ela Gutemberg as veütikün milyela balid.[3]

Literat[redakönredakön fonäti]

  1. Lehmann-Haupt, Hellmut. 1966. Gutenberg and the Master of the Playing Cards. New Haven: Yale University Press.
  2. Bepenam vestigamas hiela Paul Needham e hiela Blaise Aguera y Arcas, BBC / Open University.
  3. Logolös i padi: site/lista.html 1,000 Years, 1,000 People: Ranking The Men and Women Who Shaped The Millennium, keli gasedans Lamerikänik sevädik fol äjafons ün 1998.