John von Neumann

Se Vükiped: sikloped libik
Bunön lü: nafam, suk
Hiel John von Neumann.

Hiel John von Neumann (Macaränapüko: Margittai Neumann János Lajos; 1903 dekul 28 - 1957 febul 8) äbinom matematan Macaräno-Lamerikänik, kel äkeblünom veütiko jäfüdes mödik[1] soäs: konletateor, sekätidiletam, kvantateor, lergodateor, geomet fovöfik, konömav, numidiletam e statitav, äsi jäfüdes matematik votik mödik. Pälelogom fa mödikans as balan matematas veütikün tumyela 20id.[2] Pato el von Neumann äbinom balan balidanas, kels ägebons teori tölatianaskvantamufav, äkompenom pö Proyeg: Manhattan e pö Stitod Studas Paprogedöl in Princeton (as balan utanas, kels ya dü fün stitoda päcälons: grup suvo sevädik as „lafagods“), ed äbinom balan teoranas veütikün pö völfam pledateora[3][1] e suemodas: itjäfidots ziöbik[1] e bumian valemik. Kobü hiel Edward Teller e hiel Stanislaw Ulam, el von Neumann ätuvedom säkädis kerafüsüda tefü pubets vamataumakerik e hidrinaboum.

Literat[redakönredakön fonäti]

  1. 1.0 1.1 1.2 Johnny Jiggles the Planet. The New York Times. Pekonsulton tü 2008 febul 4.
  2. John von Neumann. MSN Encarta.
  3. Nelson, David. The Penguin Dictionary of Mathematics, pads: 178-179. ISBN 0-14-101077-0.