Marlon Brando

Se Vükiped: sikloped libik
Bunön lü: nafam, suk
Hiel Marlon Brando.

Hiel Marlon Brando (Jr.) (1924 tobul 3 - 2004 yulul 1) äbinom dramatan Lamerikänik, kel ägetom premi Kadäma Lekanas e Nolavas Biomagodemikas, e kela vob ätegon tumyeli plu lafiki. Palelogom fa mödikans as bal dramatanas flunilabikün jenotema biomagodemas. El Brando sevädom ledino kodü rouls omik pö biomagodems: A Streetcar Named Desire (= Träm „Desir“ Panemöl) ed On the Waterfront (= Su Vatajol), fa hiel Elia Kazan pädileköls primü degyel 1950, äsi kodü rouls: Vito Corleone (me kel ägetom premi Kadäma) pö The Godfather (= Spönan) e konulan: Walter E. Kurtz pö Apocalypse Now (= Paokalüp Anu), bofiks fa hiel Francis Ford Coppola pädileköls ün degyel 1970.

El Brando äbinom i jäfidan pö mufs bolitik, vü kels Sifagitätamuf e Lindiyanamuf Lamerikäniks. Pänemom as folidan vü histelans veütikün jenotema fa Biomagodemastitod Lamerikänik.