Stel hiela Van Maanen

Se Vükiped: sikloped libik
Bunön lü: nafam, suk
STEL HIELA VAN MAANEN
Nünis küpedik
Timäd J2000
Steläd Sikfits (Pisces)
Ascensio recta 0h 49m 09,9s
Declinatio +05° 23' 19"
Litagret jinik (V) 12,40
Patöfs späktrumik
Pated späktrumik WDZ7
kölanüm U-B 0,55
kölanüm B-V 0,02
Pated cenastel nonik
Stelamafav
Moikamavifot (Rv) +41,7 km/s
Lönamuf (μ) AR: 1233,05 mbs/yl
Dec.: -2710,56 mbs/yl
Paralak (π) 231,88 ± 1,79 mbs
Fagot 14,1 ± 0,1 ly
4,31 ± 0.03 ps
Litagret verik (MV) 14,23
Patöfs füsüdik
Masat 0,7 M
Diametalaf 0,013 R
Stralanäm L
Vamot K
Metalöf
Tulatim
Bäldot yels za 1010
Nems votik
van Maanen 2, Gl 001-027, GJ 35, GCTP 160.00, LHS 7, HIP 3829.

Stel hiela Van Maanen binon nänastel veitik telid ma sökaleod tüvama, ä kilid ma sökaleod fagota de Sol (po els Sirius B e Procyon B). Topon fagotü litayels 14,4 de Sol, in steläd: Sifits (Pisces), e labon lönamufi vo vifiki: 2,99" a yel. Binon tu stralafibik, adas kanon palogön me logs.

Masat onik leigon 7/10 masata Sola, ab diamet e stralanäm onik binons mödo läs, ka uts Sola. As nänastel veitik, binon tefädiko koldik, e späktrum onik jonon metalis ab no hidrini u helini. Kold tefädik ona jiniko sinifon, das binon stel ya vemo bäldik, ba bäldotü za (u plu) yels 10.000-balion (ibä nänastels veitik binons primo go vamik, ab koldikumons pianiko du tim pasetikon). Labon diamet milmetas za 12.500 (boso läs ka diamet Tala: milmets 12.800). Sekü atos, densit ona binon levemo löpik: touns 1,2 a kübazimmet.

Pätüvon ün 1917 fa stelavan Nedänik: Adriaan Van Maanen.

Stel hiela Van Maanen in literat pöpedik[redakönredakön fonäti]

  • In nünömapled Frontier (Mied) hiela David Braben, planetasit stela hiela Van Maanen binon lomän grupa relik, kel lekredon, das lied binon kik lü sav. Mein padunon nen cins, e mon zuik valik, kel no zesudon pro neods lifik äs loxin, fid e vat pafilon dü zäl salüdik. Te labü däl patik daloy tävön lü planetasit at.
  • In lekoned: A World Out of Time (Vol plödü tim) hiela Laary Niven, Stel hiela Van Maanen binon zeil balid pro kaenav talöfüköl hiheroedana: Jerome Corbell.

Yüms plödik[redakönredakön fonäti]

In Linglänapük: