Albert Camus

Se Vükiped: sikloped libik
Albert Camus
Moted: 7 novul 1913
Dréan[*]
Deadam: 4 yanul 1960
Villeblevin[*]
Deadamakod: single-vehicle accident[*]
Lifatopam: Fransän
Cal(s): hilautan[*], hifilosopan[*], hilautan lekonedas[*], higasediman[*], hibalädan[*], dramatavan[*], librätan[*], French Resistance fighter[*], hipoedan[*], hifutaglöpädan[*], opinion journalist[*]
Tatät(s): Fransän
Matan(s): Simone Hié[*], Francine Faure[*]
Cil(s): Catherine Camus[*], Jean Camus[*]
Dispenäd:

Hiel Albert Camus (1913 novul 7 - 1960 yanul 4) äbinom lautan ä filosopan Fransänik (in Laljerän pämotöl), kel ädagetom premi: Nobel ün 1957. Suvo päyümom lü dabinim, ab el Camus ai ärefudom yümi at. Soäsä äpenom in yeged okik: Volutan, lifüp lölik oma pädedieton ad tadunön filosopajuli: nosim. Tefü kred in God, äpenom in toum kilid pämas okik: „no kredob in God e no binob nengodan“.

Nun veütikün oma fütüre äbinon: „Obs valik, bevü failots, blümükons dönuliföfikami etflanü mieds nosima. Ab te nemödiks bevü obs sevons osi.“ El Camus äfünom ün 1949 Grupi pro Yüms Bevünetik in Muf Balama Levolutik, ma buk: Albert Camus, une vie hiela Olivier Todd.

El Camus ävilob buikumo sevädön as man e tikan, no as liman filosopajula u tikamagotema semik. Äbuükom pösodis, no tikamagotis. Dü telspikot yelü 1945, el Camus ärefudon dädiladis tikamagotik alseimik: „Nö! No binob dabiniman. El Sartre ed ob ai pasüpädobs, ven reidobs nemis obsik kobo [...]“[1]. In yegedakonlet okik, äpenom, das äbinon son Grikäna.

El Camus äbinon dagetan balidyunikün prema: Nobel tefü literat (pos hiel Rudyard Kipling) ven ävedon lautan balid in Frikop pimotöl, kel ägetom premi, ün 1957. Binom jünu i dagetan labü lifüp brefikün: ädeadom pö toodamijenot mö yels te kils pos premidaget.

Literat[redakönredakön fonäti]

  1. Les Nouvelles littéraires dätü 1945 novul 15.