Fransän

Se Vükiped: sikloped libik
Bunön lü: nafam, suk

République française

Flag of France.svg
Stän Fransäna

Armoiries république française.svg
Sköt Fransäna

Netahüm: La Marseillaise

Europe location FRA.png

Pük calöfik Fransänapük
Cifazif Paris
Reigasit fedatat demokratik
Rel romakatulans 60-90%
Sürfat
– % vat
41 285 km²
3,7%
Lödanef (täxet 2006)
Lödanef (census )
Densit:
7 476 200

176/km²
Völäd (EUR) Euro
Timatopäd UTC +1 e +2
Zäladel netik gustul 1id
Vüresod | Kot ISO | Tel. .fr | FRA | 33

Fransän (calöfiko: République française = Repüblikän Fransänik) binon län Yuropik, kela cifadil topon in Yurop Vesüdik.

Fransän binon bäldikün tatas Yuropik valik, primo in topäd regik labü zän su nisul: Île-de-France. Cifazif onik binon el Paris. Liman Konsälalefa Yuropik, binon bal länas, kels efünons Fedi Yuropik, topädi ela euro e Spadi ela Schengen. Binon i bal limanas lul Sefakonsälalefa Tatas Pebalöl, e duton lü Fed länas latinik, lü Fed länas Fransänapükik (el Francophonie famik), e lü G-8 (Grup länas liegikün jöl).

Digs veütikün ä pelöfölüns Fransäna stabons su demokrat e gitäts menik.

Fransän binon liman ela NBNL (= Noganükam Baläda Nolüda-Latlanteanik, Linglänapüko: NATO). Ün 1966 älüvon noganükami militik pebalöl, ab ägegolon dilo ün 2002. Dalabon belödanis vafis taumik.

Konömavasit ona binon katädimik, ab tat flunon nepüliko lifi konömavik pos fin volakriga telid, kelos ädälon one ad fomön fiamis dustodik labülöl pladi vü grups bevünetik veütikün. Votikams mödik sökaleodik äkodons ye, das dü yels kildeg lätik tat Fransänik nevifiko efagükon oki de dins konömavik.

Kuliv Fransänik binon famik su vol valik. Fransän binon län hiela Descartes ä motedöp Tumyela Litas (el Siècle des Lumières), kel ekodon Levolutis Fransänik e Lamerikäniki. Lifalekan Fransänik palöfon valöpo, e daif kvisina Fransänik labon belödanis benorepüti bevünetik.

Fransänapük binon pük calöfik Repüblikäna Fransänik, ab kanoy tuvön pükis topik veldegvel su topäd ona.