Frédéric Chopin

Se Vükiped: sikloped libik
Bunön lü: nafam, suk
Chopin, 1835

Hiel Frédéric Chopin (Polänapüko: Fryderyk (Franciszek) Chopin, lunomiko Szopen; Fransänapüko: Frédéric (François) Chopin; 1810 mäzul 1[1] - 1849 tobul 17) äbinon pianodan ä noatädan letälenik Polänik[2] perioda romatik. Palelogom fa mödikans balan pianodanoatadänas legudikün vola.

El Chopin pämotom in vilag: Żelazowa Wola lä mot Polänik e fat Fransänik. Suno pälecedöl in län okik as cil stunidabik, älüvom Poläni laidüpio bäldotü lifayels teldeg. In Paris, äprimom karieri as pianodan, tidan ä noatädan, ed älasumom fomi Fransänapükik nema omik: Frédéric-François. De 1837 jü 1847 älabom lelöfatefis komplitik ko jilautan Fransänik: George Sand (Aurore Dudevant). Ai labü saun fiböfik, ädeadom in Paris bäldotü lifayels 39 sekü ftisid.[3]

In vobots dabinöl valik ela Chopin, pianod labol rouli anik (suvüno as musigöm teik), e noatädots omik palecedons as sömit jenotema pianodamusiga. Do musig omik flagon mödikosi de musigan, stül ela Chopin kazeton dibi notodik e patilis, no letälen musigana.

Ädatikom fomis musigik anik, soäs balad[4], ed änüdugom nulodis veütik ini foms ya dabinöls soäs elssonata, waltz, nocturne, étude, impromptu e prélude. Vobots omik suvo pasaitons as stabs Romatimamusig klatädik tumyela 19id. Zuo, el Chopin äbinom noatädan Vesüdänik balid, kel älüükom ini musig okik diletis slavik. Jü atim els mazurkas ed els polonaises omik binons staböfiks pro musig klatädik netik Polänik.

Literat[redakönredakön fonäti]

  1. Ma fonäts anik, febul 22.
  2. Kennedy, Michael. 2004. Oxford Concise Dictionary of Music. Oxford (dab. 4id). Pads 141.
  3. Smolenska-Zielinska, Barbara. Chopin: lifajenäd (in Linglänapük). Pekonsulton tü 2006 setul 10.
  4. Scholes, Percy. 1938. The Oxford Companion to Music. Yeged: Ballade.