I. Henry Harrison
| Cal(s): | hi-Volapükavan |
Hiel I. (ü J.) Henry Harrison (Rusänapüko: Андрей Иванович Гаррисон, Andrey Ivanovic Harrison; Linglänapüko: John Henry Harrison) äbinom Volapükan älödöl in St. Petersburg (Rusän). Ägetom diplomi tidana Volapüka ün 1887. Poso ätradutom tidodemi lölifik ela Kerckhoffs ini Linglänapük. Pemotom tü 1829 yanul 25 in ‚London’. Ästudom pükavi e literatavi in niver di ‚London’. Dü yels vemo mödiks äyufom fati okik pö vob omik (fat äbinom letedan e latikumo gasediman e redakan). Äfealotädom lü Rusän ün 1851, kö ätidom Linglänapüki. Äkoedom dabükön tidabuki Linglänapüka pro Rusänapükans e gramati Linglänapükik Volapüka. Bü yel: 1888 < ädagetom tituli Rusänik tatakonsälala ed ävedom tidal ä dalogal in jul melanas (poso kadetajul marenik). Edeadom tü 1900 yanul 25 in Sänt⸗‚Peterburg’. De 1887 novul jü 1895 mayul 4 äbinom kadämal ela „Kadem bevünetik volapüka” (dilekans: ‚Kerckhoffs’, ‚Rosenberger’). Älüvom kadämi et, bi no ävilom jafön valemapüki nulik (sevabo eli ‚lingu nov’, latikumo eli ‚Idiom neutral’), te ävilom fasilükön Volapüki fa ‚Schleyer’ it.
Lautots
[redakön • redakön fonäti]- 1888. Complete course of Volapük with grammar and exercises and a vocabulary of 2.500 words. Stabü tidodem lölöfik Volapüka hiela Kerckhoffs. London, Paris, Boston: Hacehette. (Dabükot balid, perevidöl ä pegretükumöl, 1888; London: Hachette; Paris: Le Soudier; Boston: Schoenhof).
Literat
[redakön • redakön fonäti]- Haupenthal, Reinhard. 1982. Volapük-Bibliographie. Hildesheim, Zürich, New York: Georg Olms Verlag. (Päpüböl kobü dabükot nulik ela Volapük die Weltsprache ela Schleyer.)
- Kniele, Rupert. 1889. Das erste Jahrzehnt der Weltsprache Volapük. Verlag von A. Schoy, Buchhandlung, Ueberlingen a. B. (Dönu päpübon ün 1984 fa Reinhard Haupenthal, Saarbrücken: Editions Iltis.) (Vödem rigädik, ma dabükot balid).
- Spielmann, Sigmund. 1887. Volapük-Almanach für 1888, verfasst von Sigmund Spielmann. I. Jahrgang. Lekaled volapüka plo yel balmil jöltum jölsejöl, pelautöl fa Spielmann Sigmund. Yelüp balid. Leipzig: Mayer. (Vödem rigädik.)
- Volapükan nolik e nepaletik. München, 1889 (yelüp II). Nüm: 14, pad: 9. Kadem Volapüka.
