Novial

Se Vükiped: sikloped libik
Novial
Novial
Pükafamül: yufapük bevünetik[*]
Datuvan: Otto Jespersen[*]
Pejaföl ün: 1928
Penädasitot: lafab latinik[*]
ISO 639-3: nov

El ,Novial’ (pedefomöl de ,nov-’ <nulik> e ,IAL’ <yufapük bevünetik>) binon pük mekavik, pedatiköl ün 1928 fa pükavan Danänik: ,Otto Jespersen’. El ,Jespersen’ (1860-1943) äbinom pükavan Danänik, kel büikumo ikompenom pö dafomom ela ,ido’, ab äneplidom kaladi mekavik ä vilädiki speranta ed ela ,ido’; ästeifom ad jafön püki fasilik e benotoniki, kel ödakipon binodis natapükas. Vödastok ela ,Novial’ pestabon ledino su püks germik e romenik, ab gramat onik peflunon vemo fa Linglänapük.

Püb balidnaedik ela ,novial’ äbinon ün yel 1928 in buk ela ,Jespersen’ tiädü ,An International Language’. Ün 1930, pos nüdugam vötukamas ömik, el ,Jespersen’ äpübom vödabuki tiädü ,Novial Lexike’. Ämobom vötukams mödikum dü degyel fovik, ab pos deadam ela ,Jespersen’ ün yel 1943 dajäf demü el ,novial’ päfinükon.

Do el ,novial’ nutimo no binon so pöpätik äs sperant e.r., ünü degyel 1990-2000 el ,novial’ ädageton dönu slopanis ömik danädü bevüresod. Päpübons revids ela ,novial’, as sam el ,novial '98 ’. Ün 2006 pefünon vükiped in ,novial’.

Yüms plödik[redakönredakön fonäti]

Mekavapüks Stän mekavapükas
Yufapüks bevünetik BolakGlobasaGlosaIdiom Neutral IdoInterlinguaInterlingueJitasamaKotavaLingua Franca Nova LojbanNovialPanduniaSolresolSperantVolapük
Yufapüks zonik AfrihiliBevüslavFolkspraak
Lekanapüks  BrithenigDoħrakiyKlingonPük elas ,Na'vi’ TalosänapükToki ponaVenedänapük
Datuvans Juraj Bauer Cornelis George Boeree Léon Bollack Cyril Robert Brosch Johann Hummler Sonja Lang Julius Lott Vojtěch Merunka David J. Peterson Waldemar Rosenberger Johann Martin Schleyer Jan van Steenbergen Joseph Stempfl J. R. R. Tolkien Edgar de Wahl Lejzer Ludwik Zamenhof