Abelardo Sousa
| Moted: | 1919 Florianópolis |
| Deadam: | 1985 Florianópolis |
| Cal(s): | himusigan[*], hinoatädan[*], hitidan[*], hilautan[*] |
| Tatät(s): | Brasilän |
Hiel Abelardo Sousa äbinom Volapükan Brasilänik. Pämotom tü 1920 febul 18 in zif: ‚Florianópolis’, ädeadom tü 1986 mayul 27. Posä ituvom penedis Volapükik lefata okik: ‚José Brazilício de Souza’ (u ‚Sousa’), kel äspodom me Volapük ko mastans mödik ettimik Volapüka keninükamü ‚Auguste Kerckhoffs’ e ‚Ludwig Zamponi’ (Graz, Lösterän) de yel: 1888 jü 1895, ‚Abelardo Sousa’ ad reidön penedis at ädalärnom Volapüki rigik. As sek älautom buki dö Volapük in ‚Desterro’ (nu ‚Florianópolis’). Buk at ninädon lifibepenoti ela José Brazilício de Souza, penedis Volapükik 55 otana in Volapük ed in Portugänapük (as tradutods se Volapük), materis valasotik dö jenotem Volapüka in ‚Desterro’ de yel: 1887 jü 1895. Buk at päfimekon ün 1974, ab päbükon te ün 2002 fa daut ela Abelardo Sousa[1]. Poso ‚Abelardo Sousa’ äreafom ad sevön, das Volapük pivotükon fa ‚Arie de Jong’, ed ädalärnom fomi nuik Volapüka. Kludo äbinom Volapükan seledik, kel änolom fomis cifik tel Volapüka. El Abelardo Sousa id änolom speranti. Äspodom ko ‚Reinhardt Haupenthal’, cifal: ‚Johann Schmidt’, ‚Donald Gasper’.
Lautot cifik.
[redakön • redakön fonäti]Sousa, Abelardo. O Sábio e o Idioma [Nolavan e pük]. Florianópolis: IOESC, 2002.
Fonäts.
[redakön • redakön fonäti]Abelardo Sousa. In: Vög Volapüka (ISSN 0260-6623), 1981, nüms: 24 (febul), 25 (mäzul).
Noets.
[redakön • redakön fonäti]- ↑ http://www.clicrbs.com.br/sites/swf/dc_nos42_ceu_de_brazilicio/lira.html www.clicrbs.com.br.