Alfred Hitchcock
| |
|---|---|
| Moted: | Alfred Joseph Hitchcock 13 gustul 1899 Leytonstone[*] |
| Deadam: | 29 prilul 1980 Bel Air[*] |
| Deadamakod: | kidney failure[*] |
| Lifatopam: | London, Leytonstone[*] |
| Cal(s): | filmotirejidan[*], librätan[*], film producer[*], film editor[*], television producer[*], filmotadramatan[*], television director[*], cinematographer[*], director[*] |
| Tatät(s): | Regän Pebalöl, Lamerikän, United Kingdom of Great Britain and Ireland[*] |
| Matan(s): | Alma Reville[*] |
| Cil(s): | Pat Hitchcock |
| Pal(s): | William Hitchcock[*] |
Hiel Sir Alfred Joseph Hitchcock (1899 gustul 13 - 1980 prilul 29) äbinom biomagodemirejidan ä -prodan Linglänik (poso i Lamerikänik) vemo flunilabik sekü metods omik stüla tenidik (thriller e suspense). Pos karier gudik in Linglän, äfealotädom lü Hollywood ed ädagetom tatäti Lamerikänik ün 1956, do äblebon i reigäb Linglänik. Ädilekom biomagodemis plu luldegis dü karier mäldegyelik, de timäd bioskopa müätik da ut bioskopa spiköl jü ut kölabioskopa. El Hitchcock äbinom balan rejidanas benosekikün ä sevädikünas dü lifüp okik, e jünu blebom sevädik ä pöpätik.
Famik sekü sev e kaen ela Hitchcock tefü tenid, biomagodems omik gebons mödo dredi e fomäli, e sevädons sekü cog „sägälik“ okas. Suvo jonons pösodis nedöbik dü dinäds, kelis no kanons bemastön ud igo suemön.
El Hitchcock pämotom e pädugälom in London, in Linglän. Äprimom rejidanakarieri okik ün 1922 in Linglän, ab sis 1939 ävobom ledino in Lamerikän. El Hitchcok e famül omik ädalabons farmi labü nem Cornwall Ranch ü „Belalad“ su bel finü Canham Road, love zif: Scotts Valley, in Kalifornän, de 1940 jü 1972. Äremons domi telid finü 1942 su süt: Bellagio, nüm: 10957, in Los Angeles, visü el Bel Air Country Club. El Hitchcock ädeadom sekü leläsikam roinas ün 1980.[1]
El Rebecca äbinom biomagodem teik oma, kel ägeton premi: Oscar as biomagodem gudikün, do biomagodems votik fol oma pimobons; el Hitchcock neai ägetom premi rejidana gudikün. Ägetom premi: Irving Thalberg sekü lifaduinod okik ün 1967.
Literat[redakön • redakön fonäti]
- ↑ McGilligan, Patrick. 2003. Alfred Hitchcock: A life in darkness and light. New York: HarperCollins.