Arden R. Smith

Se Vükiped: sikloped libik
Arden R. Smith
Moted: 4 yanul 1966
Cal(s): hipükavan[*]
Tatät(s): Lamerikän

Hiel Arden R. Smith binom Volapükan Lamerikänik. Pemotom in zif Visalia (Kalifornän/Tats-Pebalöl) ün yel 1966, tü del 4id yanula, ed estudom pükavi Germänik pö Niver Kalifornäna in zif Berkeley, kö edokikom ün yel 1997. Atimo ägididom dö jänam sirkotaselidöpas zül in Nolüda-Kalifornän, e semikna ädunom redakavobi pro dabüköps tidabukas Deutänapükik. Sis yel 1988 penom lartügis nolavik tefü püks mekavik, pato püks e lafabs pejaföl fa hiel J.R.R. Tolkien, e sis yel 1992 redakom vödemis pükavik lautana ot.

Smith etuvom Volapüki, Sperantapüki e reti in buk: The Book of a Thousand Tongues ('Buk Pükas Mil'), ven äbinom gümnadan. Eprimom ad konletön bukis Volapükik za yel 1990, ed i potakadis bäldik Volapükik ün yel 1997.[1]

Id epenom tefü Volapük in notäds difik, a.s. in kapit tefü yufapüks bevünetik in buk: From Elvish to Klingon: Exploring Invented Languages ('De el Elvish jü el Klingon: Vestig Pükas Mekavik') peredaköl fa hiel Michael Adams.

Smith epenom resodapadis: Volapop!, kelis epubon ün yel 1998 tü del 18id febula[2]

Su lomapad kleilükom: ‘Televid, bioskops, musig, grenaflogs pejuegädöl e valikos diotik binons spikotadins su pads at’. Tiäd “Volapop!” binon mig binü “Volapük” e “pop,” kel binon vöd Linglänapükik ko sinif: “pöpedik (äs in “pop culture,” “pop music,” e ret). Semikna Smith penom revidis, e jafom padis nulik. Ab yels deglul pos dabükot balid, “Volapop!” bleibon balikos in bevüresod.

Binom liman Kadäma Volapükan (sekü Dalebüd cifala Brian Bishop de 2012 yulul 1, nüm: 2).

Literat[redakönredakön fonäti]

Jons[redakönredakön fonäti]

  1. Konlet potakadas Volapükik ela Smith.
  2. Volapop!