Augustinus Laurén

Se Vükiped: sikloped libik
Jump to navigation Jump to search
Augustinus Laurén
Laurén.jpg
Moted: 1868
Deadam: 9 prilul 1940
Cal(s): hi-Sperantapükan[*]
Tatät(s): Suomiyän

Hiel Augustinus Laurén (1869 in Torby, Suomiyän - 1940 prilul 9 in Stockholm, Svedän) äbinom Volapükan Suomiyänik, kel pämäniotom in gased Svedänik: Volapükisten.

Pämotom ün 1869 in Torpby (Suomiyän). In Turku ävedom pötekan, e poso in Helsinki pötekal. Ävedom ettimo i Volapükan, e poso igo presidan Volapükakluba di Raumo (ettimo nog in Rusän, atimo in Suomiyän). Finü tumyel 19id ye, ven älödom in Oulu (1893-1895, 1897-1898), älärnom Sperantapüki, sekü flun hiela Gösta Englund: Sperantapükan Svedänik. Tü 1899 prilul 21, el Augustinus Laurén ämatikom ko sör ela Englund: Signe Englund, jikel leigo älärnof Spernatapüki (äbinon ba mated balid vü Sperantapükans).

Sis 1900 matans älödons in Jyväskylä, kö el Augustinus Laurén äpübom ün 1904 tidabuki balid Sperantapüka por Suomiyänans, keli ilautom kobü hiel K. J. Kuntzi. De 1918 jü 1939, el Augustinus Laurén älödom in Helsinki, ab pos prim Nifüpakrig vü Balatam Sovyätik e Suomiyän (1939-1940) äfealotädom ini Stockholm, kö älödom domü pals okik e kö ädeadom tü 1940 prilul 9, mö mul te bal pos fin Nifüpakriga.

Literat[redakönredakön fonäti]