Cardiodon

Se Vükiped: sikloped libik
iCardiodon
Timäd fösilik: zänoda-Yurat
Dadiläd nolavik
Regnum: Animalia
Phylum: Chordata
Classis: Sauropsida
Superordo: Dinosauria
Ordo: Saurischia
Subordo: Sauropodomorpha
Infraordo: Sauropoda
(nepeleodüköl) ?Turiasauria
Genus: Cardiodon
Owen, 1841
'''Cardiodon rugulosus'''
Owen, 1844

Elaf Cardiodon (siämü: „ladatut“, sekü fom tutas) äbinon el genus dinosauras grupa: Sauropoda, sevädik stabü tut zänoda-Yuratik se fomam: Forest Marble in Wiltshire, in Linglän. Büo pälelogon as fösil no kleilik, e suvo pägivülon ele Cetiosaurus; vestigams nutimik ye tikodükons, das binon vo el genus difik, ba röletaf elafa Turiasaurus.

Jenotem e Dadiläd[redakönredakön fonäti]

Hiel Richard Owen änemom eli genus at stabü tut (anu peperöl), kel petuvon nilü Bradford-on-Avon, ab no ägevom one bidanemi ün tim et;[1] mö yels anik pos atos, ämobom i bidanemi.[2] Pos degyels anik, om e vestigans votik ya ätikoms, das äbinon ba dinosaur ot ko elaf Cetiosaurus: limaf grupa: Sauropoda.[3][4] Hiel Richard Lydekker äcalöfükom lecedi at taädiko ün 1890 dubä ägivülom eli Cetiosaurus oxoniensis ele Cardiodon stabü tuts se grafän: Oxfordshire, in Linglän, kobü bomem ela C. oxoniensis.[5] Äläükom i tuti balid (BMNH R1527) pituvöl nilü Cirencester, in grafän Linglänik: Gloucestershire.[5] Suvumo el Cardiodon pägivülon ele Cetiosaurus, lunomiko as bid nesekidik.[6]

Ün 2003 ye hiels Paul Upchurch e John Martin, ädönulogölo eli Cetiosaurus, ätuvons klülabotis te nonikis, das tuts ela C. oxoniensis dutons lü bomem, e das tuts ela "C. oxoniensis" difons de uts ela Cardiodon (tuts ela Cardiodon teeth äbinons blegiks lüodü lineg); klu äcedons, das el Cardidon äbinon el genus nesekidik. [7] Els Upchurch et al. (2004) leigo äcedons otosi, ed ätuvons, das tuts binons äs uts elafas Eusauropoda.[8] Brefabüikumo, els Royo-Torres et al. (2006), pö bepenam oksik elafa Turiasaurus, ämäniotons eli Cardiodon as röletaf mögik dinosaura nulik oksik: limaf gianagretik grupa: Sauropoda.[9]

Vönalifav[redakönredakön fonäti]

As dinosaur grupa: Sauropoda, el Cardiodon äbinon luveratiko planifidaf folfutik gretik,[8] ab, sekü nemöd fösilas, no kanoy lesagön mödikumosi.

Literat[redakönredakön fonäti]

  1. Owen, R. 1841. Odontography, Part II. Hippolyte Baillière. 655 p.
  2. Owen, R. 1844. Odontography, Part III. Hippolyte Baillière. 655 p.
  3. Phillips, J. 1871. Geology of Oxford and the Valley of the Thames. Clarendon Press: Oxford, 529 p.
  4. Owen, R. 1875. Monographs of the fossil Reptilia of the Mesozoic formations (part III) (genera Bothriospondylus, Cetiosaurus, Omosaurus). Palaeontographical Society Monographs nüm: 29, pads: 15-93.
  5. 5.0 5.1 Lydekker, R. 1890. Suborder Sauropoda. In: Lydekker, R. (ed.). Catalogue of the Fossil Reptile and Amphibia of the British Museum (Natural History). Dil 1. Taylor and Francis: London, pads: 131-152.
  6. Steel, R. 1970. Saurischia. Handbuch der Paläoherpetologie/Encyclopedia of Paleoherpetology. Dil 14. Gustav Fischer Verlag: Stuttgart, pads: 1-87.
  7. Upchurch, P. M. e Martin, J. 2003. The anatomy and taxonomy of Cetiosaurus (Saurischia, Sauropoda) from the Middle Jurassic of England. Journal of Vertebrate Paleontology toum: 23, nüm:1, pads: 208-231.
  8. 8.0 8.1 Upchurch, P. M., Barrett, P. M., and Dodson, P. (2004). Sauropoda. In: Weishampel, D. B., Dodson, P., and Osmólska, H. (red.). The Dinosauria (Dab. 2id). University of California Press: Berkeley, pads: 259-322. ISBN 0-520-24209-2
  9. Royo-Torres, R., Cobos, A., and Alcalá, L. 2006. A giant European dinosaur and a new sauropod clade. Science, nüm: 314, pads: 1925-1927.

Yüms plödik[redakönredakön fonäti]