Elizabeth Blair Lee
| |
|---|---|
| Moted: | 20 yunul 1818 Kentucky |
| Deadam: | 13 setul 1906 |
| Cal(s): | jilautan[*] |
| Tatät(s): | Lamerikän |
| Matan(s): | Samuel Phillips Lee[*] |
| Cil(s): | Blair Lee I[*] |
| Pal(s): | Francis Preston Blair[*], Eliza Violet Gist Blair[*] |
| Gem(s): | Francis Preston Blair Jr.[*], Montgomery Blair[*] |
Jiel Elizabeth Blair Lee (pämotöl ün yulul yela 1818, in Kentucky; ädeadöl tü 13 setul yela 1906) äbinof vom Lamerikänik, kel älifof timü Zifanakrig Lamerikänik ed äpenof tumofis penedas timajenotis äpepenölis himatane okik, hiel Samuel Phillips Lee.
Lifajenäd
[redakön • redakön fonäti]Pämotof in tat Lamerikänik Kentucky lä fat: Francis Preston Blair e mot: Eliza Violet Gist Blair. Äbinof sör yunikum hielas Montgomery Blair e Francis Preston Blair, Jr.
Sekü jenetafom bal, el Elizabeth äkomof kobü fat oka pö tüv krika siveraspotik, kel ökodon nemi hitüpadoma famüla okik, e kel övedon fino zif: Silver Spring, in tat: Maryland. Krik at nog binon in Legad di Acorn.
Ämatikof ko miral: Samuel Phillips Lee: lebüdan jipalamada Lamerikänik Lamada Balamik dü Zifanakrig Lamerikänik. Peneds ofa himatane, hikel änekomom lunüpo äs lebüdan krigajipa: Philadelphia, bepenons lifi ün krigatid in Washington ed in Silver Spring, in tat: Maryland.