Federico Fellini

Se Vükiped: sikloped libik
Bunön lü: nafam, suk
Hiel Federico Fellini.

„Non voglio dimostrare niente. Voglio mostrare.“
(= Vilob jonülön nosi. Vilob jonön.)

FEDERICO FELLINI.


Hiel Federico Fellini (1920 yanul 20 - 1993 tobul 31) äbinom biomagodemilautan ä -dilekan Litaliyänik. Palecedom valemo balan kompenanas veütikün pö jenotem biomagodema. Vobotem omik, kel suvo älokon lifajenädi omik, ägeton ün 1993 - mö muls te aniks bü deadam omik - premi: Oscar pro karier.

Dü yels te foldegs - de el Lo sceicco bianco (Reg vietik) yela 1952 jü el La voce della luna (Vög muna) yela 1990 - el Fellini äjafom me telats biomagodemas grupi gretik pösodas memabik. Ämiedetom oki as „lekanan, kel labon nosi ad sagön, ab sevom, lio sagoy osi“. Egivom vole vobotis neglömovik: liegikis mö cogedäl ä petegölis me jüd mu slenik glumaladäla. Tiäds biomagodemas famikün oma: La dolce vita (Lif svidik) e Amarcord (Memob) evedons saitots sevädik da vol lölik in Litaliyänapük.