Galileo Galilei

Se Vükiped: sikloped libik
Jump to navigation Jump to search
Galileo Galilei
Galileo.arp.300pix.jpg
Moted: 15 febul 1564
Pisa
Deadam: 8 yanul 1642
Arcetri[*]
Lifatopam: Pisa, Padova, Firenze
Cal(s): histelavan[*], philosopher[*], himatematan[*], hifüsüdan[*], inventor[*], astrologer[*], polymath[*], university teacher[*], hinolavan[*], engineer[*]
Tatät(s): Duchy of Florence[*], Grand Duchy of Tuscany[*]
Matan(s): no value
Cil(s): Vincenzo Gamba[*], Maria Celeste[*]
Pal(s): Vincenzo Galilei[*], Giulia Ammannati[*]
Gem(s): Michelagnolo Galilei[*]
Dispenäd:
Galileo Galilei Signature 2.svg

Hiel Galileo Galilei (1565 febul 15 - 1642 yanul 8) äbinom füsüdan, matematan, stelavan ä filosopan Litaliyänik (di Toscana), kel älabom rouli veütik pö levolut nolavik. Bevü duinods onik patuvons stud sitöfik balid mufa leigöfiko vifikumöla, gudükumams daleskopa e küpeds stelavik medü on, e stüt pro sit hiela Nicolaus Copernicus. Vob plakavik ela Galileo ädiston vemo de metods nedabinotik hiela Aristoteles, nog kösömiks ün tumyel 17id. El Galileo penemon „fatan stelava küpedik nulädik“, „fatan füsüda nulädik“, „fatan nolava“, e „fatan nolava nulädik“. Muf kopas leigöfiko vifikumölas, kel ün atim patidon in juls e nivers ti valiks, pästudon fa el Galileo. Keblünots omik stelave küpedik keninükons tüvi munädas gretikül fola Yupitära, kels pänemons „muns hiela Galileo“ stimü om, ed i küpedam e diletam solastenas. El Galileo äjäfom i me nolav pajäfüköl e kaenav, ägudükumölo binodi kompada.

Jenöfot, das el Galileo ästütom ed äjelodom eli Copernicus pädöbaton vemo dü lifüp omik. Leced telazänodimik idareigon voli sis timäd ela Aristoteles, e döbats päkodöl dub tadun ela Galileo lecede at äkodons proibi jelodama solazänodima as sit verätik, bi teorod at ettimo no älabon blöfis gudik ED ätaon ta sinif kuratik biba. El Galileo fino pämütom ad noön solazänodimi okik ed älifädom yelis lätik lifüpa okik as fanäb in dom okik büdü Glüg Katulik.