Gottfried Leibniz

Se Vükiped: sikloped libik
Jump to navigation Jump to search
Tefü gebs votik vöda: Leibniz ü Leibnitz, logolös padi: Leibniz (Telplänov).
Gottfried Leibniz
Christoph Bernhard Francke - Bildnis des Philosophen Leibniz (ca. 1695).jpg
Moted: 1 yulul 1646
Leipzig
Deadam: 14 novul 1716
Hannover
Cal(s): himatematan[*], jurist[*], hifüsüdan[*], philosopher[*], diplomat[*], hijenavan[*], librarian[*], musicologist[*], hitradutan[*], music theorist[*], writer[*]
Tatät(s): Holy Roman Empire[*]
Pal(s): Friedrich Leibniz[*], Catharina Schmuck[*]
Dispenäd:
Leibnitz signature.svg

Hiel Gottfried Wilhelm LeibnizLeibnitz ü von Leibnitz; 1646 yulul 1 - 1716 novul 14) äbinom mödatälenan Deutänik, kel äpenom ledino in latin ed in Fransänapük.

Labom pladi veütik in filosopajenav ed in matematajenav. Ätüvom difakalkuli nesekidiko de hiel Isaac Newton, ab malatem omik päbuükon e pagebon jünu. Ätüvom i telnumatasiti: stabasuemod binodas nünömavik atimik ti valikas. As filosopan, pamemom jünu ledino sekü fredim, o. b. kludod omik, bai kel leval obsik binon, ma siäm semik, leval gudikün, keli God äkanom jafön. Äbinom, kobü hiel René Descartes e hiel Baruch Spinoza, balan tikälimanas gretik tumyela 17id, ab filosop omik yumon leigo pö vönaoloveikod skolik ed äbüologom tikavi e diletami nulädik. El Leibniz äkleblünom veütikosi i füsüde e kaenave, ed äbüologom suemodis, kels poso ödavedons in lifav, sanav, talav, mögateor, lanav, pükav e nünav. Äpenom i dö bolit, gitav, südav, godav, jenav e vönapükav, ed älautom igo i poedotis nemödik. Keblünots omik grupe gretik jäfüdas at patuvons in gaseds mödik ed in degmilats penedas e namapenädas no päpübölas. Jü atim, no dabinon pübot lölöfik penädas valik ela Leibniz, klu bepenam lölöfik keblünotas omik no nog mögon.