Haldor Midthus

Se Vükiped: sikloped libik
Jump to navigation Jump to search
Haldor Midthus
Haldor Midthus.gif
Moted: 6 tobul 1841
Deadam: 31 mäzul 1906
Cal(s): hi-Sperantapükan[*], hitidan[*]
Tatät(s): Norgän

Hiel Haldor Midthus (1841 tobul 6 - 1906 mäzul 31) äbinom Volapükan Norgänik. Pämotom in Heggelandsdalen nilü Bergen, ed ästudom in seminar di Fjeldbergen. Dü brefüp äbinom dugälan domü pädan: Nimb in Fjeldberg. Ettimo älabom pöti ad lärnön Linglänapüki e Linglänpüki; poso ästudom, nen tidan, i latini, Fransänapüki e ba i Vöna-Grikänapüki. Ün 1869 ävedom tidan in jul kluda di Lyse (Lyse kloster), kö ävobom dü yels 46. Otüpo äloatom ed äguverom farmi: Boderne (labü i selidöp), lü klud ledutöli. Farm at ibinon gretikün in Norgän jü 1847.

Luveratiko älärnom Volapüki ün 1886 ed äprimom ad vobön pro pük bevünetik at: äpübom yegedis in gaseds Norgänik (Horda ün 1888, Bergens Tidende ün 1889).

Ün 1896 ye, ilelilölo dabini Sperantapüka, ävisitom Sperantaklubi di Uppsala, kö äremom tidabuki Sperantapükik. Suno pos atos ävedom liman Sperantakluba di Uppsala ed äprimom ad vobön pro Sperantamuf. Finü lifüp oma ya palelogon as fünan jenöfik Sperantamufa in Norgän (kel bü om äbinon pülik ä no jäfedik).

Literat[redakönredakön fonäti]

  • Haupenthal, Reinhard. 1982. Volapük-Bibliographie. Hildesheim, Zürich, New York: Georg Olms Verlag. (Päpüböl kobü dabükot nulik ela Volapük die Weltsprache ela Schleyer.)
  • Kniele, Rupert. 1889. Das erste Jahrzehnt der Weltsprache Volapük. Verlag von A. Schoy, Buchhandlung, Ueberlingen a. B. (Dönu päpübon ün 1984 fa Reinhard Haupenthal, Saarbrücken: Editions Iltis.) (Vödem rigädik, ma dabükot balid).
  • Spielmann, Sigmund. 1887. Volapük-Almanach für 1888, verfasst von Sigmund Spielmann. I. Jahrgang. Lekaled volapüka plo yel balmil jöltum jölsejöl, pelautöl fa Spielmann Sigmund. Yelüp balid. Leipzig: Mayer. (Vödem rigädik.)
  • H., L. K. 1962. La fondinto de la Esperantomovado en Norvegujo: Haldor Midthus 1841-1906. Norvega Esperantisto 1962, toum: 5-6, pads: 61-62. (Vödem rigädik, in Sperantapük).