Irritator
iIrritator
Timäd fösilik: prim Kretata
| ||||||||||||||||||
---|---|---|---|---|---|---|---|---|---|---|---|---|---|---|---|---|---|---|
![]() | ||||||||||||||||||
Edadeadöl (fösil)
| ||||||||||||||||||
Dadiläd nolavik | ||||||||||||||||||
| ||||||||||||||||||
Irritator challengeri Martill et al, 1996 |
Elaf Irritator challengeri binon luveratiko dinosaur famüla Spinosauridae e kludo röletaf ela Spinosaurus. Cedoy, das älifon dü prim Kretata, bü yels za 110-balions. Täxets atimik givülons one lunoti metas 8 e geiloti metas 3.
Pänemon fa fösilavans: Martill, Cruikshank, Frey, Small e Clarke ün 1996. Fösil sevädik teik ona: kran lunotü zimmets 80 pätüvöl in Lofüda-Brasilän, pätuvon fa fösilakonletans tedik, kels äläükons mäplati ad koedön logotön lölöfikumo oni, e kludo i volädükumön oni. Dun at ye vemo äfikülükon studi fösila at: vob lunüpik äzesudon ad nätükön stadi rigik ona (kelos äbinon i kod nema onik). Bidanem: challengeri licinon de nem Profäsorana Challenger in lekoned The Lost World (Vol Peperöl) hiela Arthur Conan Doyle.
![](http://upload.wikimedia.org/wikipedia/commons/thumb/f/fe/Irritator_Size_Diagram_by_PaleoGeek.svg/190px-Irritator_Size_Diagram_by_PaleoGeek.svg.png)
Bid at binon luveratiko otos, as el Angaturama limai, dinosaur votik famüla Spinosauridae timäda e topäda otas, kelas fösils jiniko lölöfükons krani ela Irritator, kelos ba sinifon, das bofikafs dutons lü bid ot.
Yüms plödik
[redakön • redakön fonäti]In Deutänapük:
- Noet dö el Irritator in bevüresodatopäd: Dinosaurier-Web.
- Däsinots ela Irritator fa lekanans difik se bevüresodatopäd: The Dinosauricon.