Jorge Luis Borges
| |
|---|---|
| Moted: | Jorge Francisco Isidoro Luis Borges Acevedo 24 gustul 1899 Buenos Aires |
| Deadam: | 14 yunul 1986, 26 mäzul 1986, 14 mäzul 1986 Genève |
| Deadamakod: | foadakanser[*] |
| Cal(s): | hitradutan[*], hibukeman[*], hiliteratakrütan[*], hilibrätan[*], hilautan[*], hipoedan[*], opinion journalist[*], hibalädan[*], short story writer[*] |
| Tatät(s): | Largäntän |
| Matan(s): | Elsa Astete Millán[*], María Kodama |
| Pal(s): | Jorge Guillermo Borges Haslam[*], Leonor Acevedo Suárez[*] |
| Gem(s): | Norah Borges[*] |
| Dispenäd: | |
| |
Hiel Jorge Francisco Isidoro Luis Borges Acevedo (Buenos Aires, 1899 gustul 24 - Genève, 1986 yunul 14) äbinom lautan Largäntänik, balan lautanas veütikün litarata Spanyänapükik ä volaliterata valemik tumyela 20id. Vobotem onik binädon me konots, baläds e poedots.
Lifajenäd
[redakön • redakön fonäti]Yunüp
[redakön • redakön fonäti]Fat ela Borges: hiel Jorge Guillermo Borges, äbinom lavogan ä tidan lanava, ab ävilom binön i lautan („trató de volverse escritor y falló en el intento“ - ätöbidom ad vedön lautan ed ädufalom pö desin at -, el Borges balna äsagom; ma om, fat omik äpenom poedotis degfolliänik gudik anik). Mot omik: Leonor Acevedo Juarez, se Luruguyän, älärnof Linglänapüki de jimatan okik ed ätradutof lebukis ömik se pük at ini Spanyänapük. Famül fata omik älabon vulis Spanyänik, Portugänik e Linglänikis; ut mota omik, Spanyänikis e ba Portugänikis. Domü om äspikoy Spanyänapüki e Linglänapüki: sis cilüp okik, el Borges äbinon telpükan; pük balid, in kel älärnom ad reidön, äbinon Linglänapük. Äglofom in Palermo: ziläk di Buenos Aires (ettimo ti zif votik), in dom gretik labü bukem legudik, kel äleduton lü fat omik.
Ästudom primo in Largäntän, e dü yunüp okik in Jveizän. El Jorge Guillermo Borges pämütom ad lüvön lavogi sekü bleinam gredik gerovik: maläd ot, kel poso öpubon pö son omik.