Karla LaVey

Se Vükiped: sikloped libik
Jump to navigation Jump to search
Karla LaVey
Karla LaVey.jpg
Moted: 1952, 31 yulul 1952
San Francisco
Cal(s): occultist[*], radio personality[*]
Tatät(s): Lamerikän
Pal(s): Anton LaVey[*]
Gem(s): Satan Xerxes Carnacki LaVey[*], Zeena Schreck[*]

Jiel Karla LaVey binof cil balid ä legik teik hiela Anton LaVey: diabiman famik. Äbinof balan limanas-fünanas Glüga Diaba (rigiko Glüg Diabimik pänemöla). Läd LaVey äbitof as pladulan notidik pro glüg ed i pro fat okik dü yels ti foldegs.

Ün 1973 el Karla äkolkömof ed ägivof hiele Sammy Davis Jr. mali: „baphomet“ nemü fat okik. Ün tim at äbinof flen hiela Alice Cooper, keli äjonodof poso fate okik.

Ün 1979 el Karla päsedof lü Amsterdam ad cifön zänabüri Glüga Bevünetik Diaba, kel äyümon limanis in foginän. Ün tim at el Karla ägetof tituli: Jikultan Löpik Glüga Diaba, keli ägebof lunomiko dü spikots ko gasedem e spikäds notidik.

Dü degyels 1980 e 1990, el Karla äpubof mödikna in televid (a.s. in els Joan Rivers Show, Ron Reagan Show, 20/20 e 60 Minutes), äspikölo ta tuükams suvik attimik tefü diabim.

Tü 1997 tobul 27id, el Anton LaVey, fat ela Karla, ädeadom sekü ladafikuls. Tü novul 7id, el Karla äjenükof kobikami ko gasedem ad nunön deadami ela Anton LaVey. El Karla e jiel Blanche Barton: yufan ä lifibepenan ela Anton LaVey, äd i mot sona teik ela LaVey: hiel Xerxes, änunofs, das öcifofs Glügi Diaba as Jikultans Löpik.

Pos dels anik ye el Barton äjonon tästumi namapenädik, ma kel hiel LaVey igeridom dalabotis valik oka: dalabots, lautots, kopiedagitäts, ed i Glüg Diaba, fünode pöguvöl fa el Barton. El Karla äbefeitof tästami at, e poso äblöfoy, das no älonöfon. Pos bespikam lunüpik, fino äbaiädofs, das dalabots, lautots e kopedagitäts ela Anton LaVey pödilons bevü cils kil omik, e das el Barton ögetof cifami Glüga Diaba.

El Karla äsludof täno ad fövön vobi fata okik ed äfünof Glügi Diabimik Balid in San Francisco, keli cifof jünu. Glüg Diaba, cifamü el Blanche Barton, äfealotedon lü New York.

El Karla epubof pö televid, radion, nüns, yegeds in gaseds e timapenäds, ed espikädof tefü diabim in Lamerikän ed in läns votik. Äkompenof pö biomagodems: Satanis, Witchcraft 70, e Speak of the Devil. Atimo jenükof jenotis diabimik valasotik. Labof i radionaprogrami diabimik alvigik in San Francisco.

Yüms plödik[redakönredakön fonäti]

In Linglänapük: