Leonid Kravcuk

Se Vükiped: sikloped libik
Jump to navigation Jump to search
Leonid Kravcuk
Leonid Kravchuk.jpg
Moted: 10 yanul 1934
Velykyi Zhytyn[*]
Deadam: 10 mayul 2022
München
Cal(s): hibolitan[*], hikonömavan[*]
Tatät(s): Sovyätabalatam, Lukrayän
Matan(s): Antonina Kravchuk[*]
Cil(s): Oleksandr Kravchuk[*]
Resodatoped calöfik: https://leonid-kravchuk.com.ua/
Dispenäd:
Leonid Kravchuk Signature 1991.png

Hiel ,Leonid Makarovüc Kravcuk’ (Lukrayänapüko: Леонід Макарович Кравчук) (pemotöl lü 1934 yanul 10idVelüküy Jütün in Volüniän, nutimo in Lukrayän – edeadöl tü 2022 mayul 10id in München, Deutän) äbinom bolitan Lukrayänik, kel dü yels 1991-1994 äbinom presidal balid Lukrayäna nesekidik pos säbinädikam Sovyätabalatama.

Lifajenäd[redakönredakön fonäti]

El ,Leonid Kravcuk’ pämotom in vilag in Volüniän: ,Velüküy Jütün’, kel ätimo ätopon in Polän, ab pos Volakrig Telid evedon dil Sovyätabalatama. Ästudom konömavi in Küyiv, kö ägredätükom ün 1958, ed ävobom as tidan. Ün yel ot ävedom liman Paleta Kobädimik Sovyätabalatama, in kel ävobom dü yels mödik pö rayün propagida. Ävedom paletasekretan Paleta Kobädimik Lukrayäna (ela ,KPU’) tefü dölav ün 1988, ä limasteifädan (ün 1989) e liman (ün 1990) bolitabüra paleta at.

1990 yulul 3id el ,Kravcuk’ ävedom i presidan löpasovyäta Sovyätarepüblika Sogädimik Lukrayänika. Ködü fainikam nämäda paleta kobädimik atos äsinifon, das jenöfo äbinom dugan repüblika. Ün yel ot älüvom paleti kobädimik. Do el ,Kravcuk’ äbinom sam patedik ela ,apparatcik’, ritöf oma äfeamufikon vifiko lüodü utanas, kels äslopons nesekidi Lukrayäna.

Pos luvolut imiplöpöl in Moskav, ,Kravcuk’ änotädom nesekidi Lukrayäna e kludo äpledom rouli veütik demü säbinädikam Sovyätabalatama. Tü 1991 dekul 1id pädavälom ad presidal Lukrayäna as steifädan nenpaletik. As presidal äbinom kefünan (kobü presidalas Rusäna e Belarusäna: hiela ,Boris Yelzin’ e hiela ,Stanislav Jujkevic’) Kobäläna Tatas Nesekidik ed älesiom, das K.T.N. no ävedon Sovyätabalatam telid, ab bis kevoböf tatas voiko nesekidikas.

Penedamäk Lukrayänik dinädü motedadela jöldegid ela ,Kravcuk’ ün 2014.

Ün yel 1994 ,Kravcuk’ ästeifadom dönu ad presidal, ab fa läxreiganefpresidan: hiel ,Leonid Kujma’ päperädom. Pos peräd oka ävedom depütäb in dail Lukrayänik e liman Pebalöla Paleta Sogädademokratimik Lukrayäna (ela ,SDPU(o)’). Äbinom cif paleta at de 2002 jü 2006. In presidaladaväls yela 2004 äslopom steifati hiela ,Viktor Yanukovüc’. Ün 2006 el ,SDPU(o)’ no äbemastikon davälastöbi, sodas ,Kravcuk’ äperom pladi oka in dail. Ün 2009 älüvom paleti, kel pätanon ku dustostans liegikün e krimöf penoganüköl. In presidaladaväls yela 2010 äslopom steifädani votastidimik: jieli ,Yuliya Tümojenko’.

Pos nütatak Rusäna ini Lukrayän ün mul febul yela 2022 el ,Kravcuk’, kobü läxpresidals ,Leonid Kucma’ e ,Viktor Yujcenko’ japiko äblamom komipiäl Rusänik.[1]



Magods[redakönredakön fonäti]

Noets[redakönredakön fonäti]

  1. "Ви вщент знищили віковий міф про велич Росії": Кравчук, Кучма і Ющенко звернулися до українців. TSN, 2022 febul 27id.
Dugans Lukrayäna sis yel 1917 Stän Lukrayäna
 Stän Pöparepüblika Lukrayänik Pöparepüblik Lukrayänik Presidan zänacäma: Mühaylo Hrujevsküy (1917-1918)
 Stän Tata Lukrayänik Tat Lukrayänik El ,hetman’: Pavlo Skoropadsküy (1918)
 Stän Pöparepüblika Lukrayänik Pöparepüblik Lukrayänik Cifs dilekanefa: Volodümür Vünnücenko (1918-1919)Sümon Petlyura (1919-1920)
 Stän Pöparepüblika Vesüda⸗Lukrayänik Pöparepüblik Vesüda⸗Lukrayänik Presidal: Yevhen Petrujevüc (1918-1919)
  Stän ela S.S.L. Sovyätarepüblik Sogädimik Lukrayänik Lesekretans ü sekretans balid Paleta Kobädimik Lukrayäna: Yuriy Pyatakov (1919)Stanislav Kosior (1919-1920)Vyaceslav Molotov (1920-1921)Feliks Kon (1921)Dmütro Manuyilsküy (1921-1923)Emanuyil Kviring (1923-1925)Lazar Kaganovic (1925-1928)Stanislav Kosior (1928-1938)Nikita Hrujcov (1938-1947)Lazar Kaganovic (1947)Nikita Hrujcov (1947-1949)Leonid Melnikov (1949-1953)Olexiy Kürücenko (1953-1957)Mükola Pidhornüy (1957-1963)Petro Jelest (1963-1972)Volodümür Jcerbüzküy (1972-1989)Volodümür Ivajko (1989-1990)Stanislav Hurenko (1990-1991)
 Stän Lukrayäna nesumätik Lukrayän nesumätik Cif tataguvanefa: Yaroslav Stezko (1941)
 Stän Lukrayäna Lukrayän nensekidik Presidals: Leonid Kravcuk (1991-1994)Leonid Kucma (1994-2005)Viktor Yujcenko (2005-2010)Viktor Yanukovüc (2010-2014)Olexandr Turcünov (2014)Petro Porojenko (2014-2019)Volodümür Selensküy (sis 2019)