Leykbarän

Leykbarän (Lingänapüko: Akebar) binon vilag e län (ü tat) necalöfik in North Yorkshire, Linglän. Topon sulüdü Richmondshire. Binädon ledino me parkapiad pro lödavabs (‘caravan site’), pöb (‘public house’) e tüm.

Tümolog[redakön • redakön fonäti]

Licin nema Leykbaräna binon Danänik. Nem Linglänapükik Leykbaräna binon Akebar.

Jenav Leykbaräna[redakön • redakön fonäti]

Ädabinon as vilag nog bü nüdrän vikenas, ven hidiakan: ‚James’ (‚James the Deacon’) ä tidäb ela Paulinus: saludan < ifünom glügi in Leykbarän ün tumyel velid timeda obsik. Glüg nutimik stimü ‚Andrew’: saludan < pebumon ün tumyel 11id pö topam glüga balid.

Vilag Leykbaräna pämänioton in kronigs lepädäna di ‚Jervaulx’ ün 1290. Vilag äblebon farm ledutik lü ‚Jervaulx’: kleud sistärtanaroda pö lepädöp di ‚Fountains’ < jü sästid kleudas za yel: 1530. Lepädan e kleudans se ‚Jervaulx’ äbinoms benosevädiks danädü fromadasot oksik pänemöl ‚Wensleydale’ e danädü brid jevodas ko kurad plödakösömik. Päregistaros, das num grerik stäilajijevodas omsik päkibon in farm Leykbaräna.