Lävko Revuzküy

**Lävko Revuzküy**

Moted:	8 febul 1889 Irzhavets[*]
Deadam:	30 mäzul 1977 Küyiv
Cal(s):	hinoatädan[], himusigadugälavan[], hifilmamusiginoatädan[*]
Tatät(s):	Lämporän Rusänik[*], Sovyätabalatam
Cil(s):	Q16714155[*]

Hiel ‚Läv Mükolayovüc (Lävko) Revuzküy’ (‚Лев Миколайович Ревуцький’) (pemotöl tü 1889, febula d. 20^id (8^id) in ‚Irȷaväz’; edeadöl tü 1977, mäzula d. 30^id in ‚Küyiv’) äbinom noatädan, dugälavan ä dajäfan sogädik Lukrayänik. Äbinom bal noatädanas Lukrayänik lelogädik tumyela 20^id. Yegäds e motivs Lukrayänik plösenons rouli veütik in musig omik.

Lifajenäd.

Pämotom in vilag: ‚Irȷaväz’ ‹ in Lampörän Rusänik (nutimo in Lukrayän). Balido älärnom pianodami ko hiel ‚Mükola Lüsänko’, ün 1907 äprimom ad studön gitis pö niver di‚Küyiv’. Ettimo änoatom vobotis balid oka pro pianod: sonati, preludis e valtis. Dü yels: 1913–1916 ‹ ästudom i noatädavi ko hiel ‚Reinhold Glier’. Pö stitods bofik: niver e musigakadäm ‹ ägredätükom ün 1916. De 1924 äbinom tidan pö musigastitod pro musig e dramat stimü ‚Mükola Lüsenko’ penemöl, ed ün 1935 ävedom profäsoran pö musigakadäm in ‚Küyiv’.

Lif noatädana in Sovyätabalatam dü reigatim ela ‚Stalin’ äbinon vemo fikulik, e pos lukrüt japik tefü pianodakonsärt telid oma ün 1934 ämiedükumom noatädami. Timü volakriga telid, de 1941 jü 1944, ädukom dilädi noatäda i musigateora pö musigakadäm tö ‚Tojkent’ in Lusbekän. Pos fin kriga ägekömom ini ‚Küyiv’, kö ätidal jü 1960. De 1944 jü 1948 äbinom i presidan balatama noatädanas sovyätik Lukrayäna. Dü yels 1947–1963 äbinom depütäb in sovyät löpikün sovyätarepüblika sogädimik Lukrayänik. Ün 1969 sovyät löpikün Sovyätabalatama ägevon ele ‚Revuzküy’ tituli: „heroed voba sogädimik” ko Leninadekot e kön goldik: „fög e yebaneif”. Ädeadom in ‚Küyiv’ bäldotü lifayelas 88. In ‚Irȷaväz’: motedavilag ela ‚Revuzküy’ ‹ topon mused pededietöl ome e blode omik: musigavan famik, hiel ‚Dmütro’.

Kobü hiel ‚Borüs Lyatojünsküy’ el ‚Revuzküy’ äbinom dajäfan flunilabikün kuliva musigik Lukrayänik tumyela 20^id. Bevü studans omik binoms: ‚Arkadiy Fülüpänko’, ‚Leonid Hrabovsküy’, ‚Platon Mayboroda’, ‚Heorhiy Mayboroda’ e ‚Valentün Sülvästrov’.

Vobotem.

Pro kor e musigalef:

Kantat-poedot «Hustüna» (1923).
Lelobakanit lide (1956).
Nifüp (1924).

Pro vög e musigalef:

Balspikot ela ‚Taras Bulba’ (1956).
Pöpalids Lukrayänik fol (1959).

Pro musigalef sümfonik:

Sümfon 1^id in A macor op. 3 (1916–1921, perevidöl in 1957).
Sümfon 2^id in E macor op. 12 (1926–1927, perevidöl in 1940 e 1970).
‚Kosatsyok’ (danüd pöpakonädik Lukrayänik) (1929).
Pianodakonsärt in F macor op 18 (1929).
Primüm lü lop: ‚Taras Bulba’ ‹ fa hiel ‚M. Lüsänko’ (1952).

Cemamusig:

‚Intermezzo’ pro viäl e pianod (1955).
‚Ballade’ pro col e pianod.

Pianodamusig:

Sonat, preluds, valts e votiks.

Vögamusig ko pianod:

Lids distöfik pro kor, balüman e ret.
Bevobots mödik pöpalidas Lukrayänik.

Votiks:

Filmamusig e teatamusig.

Yums plödik