Minmi

Se Vükiped: sikloped libik
iMinmi

Edadeadöl (fösil)
Dadiläd nolavik
Regnum: Animalia
Phylum: Chordata
Classis: Sauropsida
Superordo: Dinosauria
Ordo: Ornithischia
Subordo: Thyreophora
Infraordo: Ankylosauria
Genus: Minmi
Molnar, 1980

Elaf Minmi, kel pänemon bai el Minmi Crossing in Laustralän (kö pituvon), äbinon bid smalik lü grup: Ankylosauria ädütöl. Älifon dü löpa-Kretat, bü yels za 119-113-balions. Nem onik äbinon brefikün dinosauranemas valik; ab nu dinosaur: Mei, mitifidaf se Tsyinän, labon diniti at. Jiniko äbinon balaf nimas benosekikün timäda onik: fösils mödikum ela Minmi petuvons, ka fösils dinosauras Laustralänik valik. Bomems ti lölöfiks luls petuvons in tops difik Laustraläna.

Tüv e bids[redakönredakön fonäti]

Elaf Minmi pätuvon nilü Minmi Crossing, in fomem di Bungil, nilü Roma in Queensland, Laustralän. Päbepenon ün 1980 fa Ralph E. Molnar. Bü tüv elafa Mei, älabon nemi brefikün dinosauras valik.

Bids ela Minmi

  • M. paravertebra

Vönalifav[redakönredakön fonäti]

Magot se el National Dinosaur Museum in Canberra.

El Minmi äbinon dinosaur tegilabik se grup: Ankylosauria (nog tu primöfik ad padadilädön bevü elafs Ankylosauridae ud elafs Nodosauridae), kel äbinon folfutilabik ed älabon göbi lunik. Soäsä elafs Ankylosauria votik, el Minmi äbinon planifidik, kel äfidon planis lövik (a. s. filigis, jugis smalik, e r.). Älabon tegi düfik su kap, bäk, bälid, lögs e göb okiks. Distü elafs Ankylosauria votik ye älabon bomis, kels ästäänikons fagotaleigiko nilü flans virebas onik (kod nema nolavik oka, M. paravertebra).

El Minmi älabon lögis tefädiko lunikis folis. Lögs pödik äbinons lunikum, ka uts föfik. Särvig ona äbinon brefik, e kran ona äbinon vidik; sekü atos, brein äbinon vemo smalik. Dinosaur at äglofon jüs ärivon lunoti mö mets za kils e geiloti mö met bal (jü jot onik). El Minmi luveratiko ämufon nevifiko su lögs fol, klülädü ruts fösilik ona, masat petäxetöl ona, e lunot lögas onik. Anans kredons, das sagat onik (bai propor vetotas koapa e breina) äläson tefü zäned vü dinosaurs votik ettimik.

Literat[redakönredakön fonäti]

  • The Dinosaur Age, nüm: 4, Magazine of the National Dinosaur Museum, Canberra, Laustralän.

Yüms plödik[redakönredakön fonäti]